19 чэрвеня ў Рускім Доме ў горадзе Сафія пачала працу перасоўная выстава “Лясная песня”. Мерапрыемства прымеркавана да Дня ўсенароднай памяці ахвяр Вялікай Айчыннай вайны і Дня Незалежнасці Рэспублікі Беларусь.
Інфармацыйна-ілюстрацыйны праект “Лясная песня” падрыхтаваны Нацыянальнай бібліятэкай Беларусі сумесна з Нацыянальным архівам Рэспублікі Беларусь.
У экспазіцыі сабраны дакументы, якія адлюстроўваюць гісторыю беларускага партызанскага руху: рукапісныя матэрыялы, лістоўкі, агітплакаты, газеты, фатаграфіі, сюжэтныя замалёўкі, урыўкі з апавяданняў, паэм, вершаў і песень.
За мінулыя тры гады праект быў паспяхова прадстаўлены ва ўстановах культуры Малдовы, Турцыі, Казахстана, Узбекістана і іншых краін.
Выстава будзе адкрыта для наведвання да 7 ліпеня 2023 г.
Матэрыял пададзены аддзелам сувязей з грамадскасцю.
