ГалоўнаяНавіныНавіны Нацыянальнай бібліятэкі Беларусі
Пісьменніца Алена Папова: Ёсць слаі жыцця, нашмат больш глыбокія, чым любое ўяўленне
Топ-5 твораў Васіля Быкава, якія павінен прачытаць кожны

Перасоўная выстава “Лясная песня” адкрылася ў Нацыянальнай акадэмічнай бібліятэцы Рэспублікі Казахстан

Перасоўная выстава “Лясная песня” адкрылася ў Нацыянальнай акадэмічнай бібліятэцы Рэспублікі Казахстан
Іншыя навіны

Прэзентацыя інфармацыйна-ілюстрацыйнага праекта “Лясная песня” ў горадзе Нур-Султан была прымеркавана да 80-годдзя пачатку Вялікай Айчыннай вайны.

Арганізатарамі мерапрыемства выступілі Нацыянальная бібліятэка Беларусі, Нацыянальная акадэмічная бібліятэка Рэспублікі Казахстан, Пасольства Рэспублікі Беларусь у Рэспубліцы Казахстан.

Інфармацыйна-ілюстрацыйны праект “Лясная песня” – гэта сумесная ініцыятыва Нацыянальнай бібліятэкі Беларусі і Нацыянальнага архіва Рэспублікі Беларусь, праект распавядае пра гісторыю беларускага партызанскага руху.

У сувязі з гэтым выбар Нацыянальнай акадэмічнай бібліятэкі Рэспублікі Казахстан у якасці выязной пляцоўкі для дадзенага праекта невыпадковы. Казахстанцы актыўна ўдзельнічалі ў партызанскім руху на тэрыторыі нашай краіны. Паводле наяўных звестак, у гады Вялікай Айчыннай вайны ў партызанскіх злучэннях на тэрыторыі Беларусі ваявала не менш за паўтары тысячы жыхароў і ўраджэнцаў Казахстана.

lp_kz.jpg

У сваім выступленні на адкрыцці выставы генеральны дырэктар Нацыянальнай бібліятэкі Беларусі Аксана Кніжнікава адзначыла: “Перамога ў вайне, захаванне памяці пра яе – гэта тое, што аб’ядноўвала і ў далейшым будзе аб’ядноўваць народы Беларусі і Казахстана”.

З прывітальным словам да гасцей таксама звярнуліся Пасол Рэспублікі Беларусь у Рэспубліцы Казахстан Павел Уцюпін, генеральны дырэктар Нацыянальнай акадэмічнай бібліятэкі ў Рэспубліцы Казахстан Умітхан Муналбаева.

У мерапрыемстве ўзялі ўдзел прадстаўнікі дыпламатычнага корпусу і беларускай дыяспары ў Казахстане.

Мерапрыемства адбылося ў рамках Дзён культуры Рэспублікі Беларусь у Рэспубліцы Казахстан.

Матэрыял пададзены аддзелам сувязей з грамадскасцю.

Навіны

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага

27 Ліп 2021

27 ліпеня ў Нацыянальнай бібліятэцы адбылося пленарнае пасяджэнне выставачна-асветніцкага мерапрыемства, прысвечанага 200-годдзю з дня нараджэння Ф.М. Дастаеўскага, і адкрыццё фотавыставы “Пецярбург Дастаеўскага”.

Навіны Нацыянальнай бібліятэкі Беларусі

“Ян Баршчэўскі, які любіў Бога, прыроду і людзей” – выстава ў музеі кнігі (+відэа)

23 Ліп 2021

22 ліпеня ў музеі кнігі Нацыянальнай бібліятэкі Беларусі адбылося адкрыццё выставы “Ян Баршчэўскі, які любіў Бога, прыроду і людзей”, на якой упершыню дэманструюцца разам аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.

Навіны Нацыянальнай бібліятэкі Беларусі

Садовае чараўніцтва: як Сесіль Мэры Баркер і кветкавыя феі змянілі кніжную ілюстрацыю

23 Ліп 2021

Вы калі-небудзь звярталі ўвагу, якія добрыя ілюстрацыі ў дзіцячых кнігах? Яны лёгкія, пяшчотныя, прыемныя воку і сэрцу – адно задавальненне... Праўда, мы зусім не ўспрымаем іх усур'ёз. У рэшце рэшт, гэта ж для дзяцей, а значыць, там шмат спрашчэнняў, умоўнасцей і зусім ніякай сур'ёзнасці, так? А вось і не. Кніжная ілюстрацыя можа быць сур'ёзнай, дакладнай і нават цалкам навуковай – не губляючы пры гэтым свайго чараўніцтва. Сёння мы пагаворым пра Сесіль Мэры Баркер, сапраўдную каралеву кветкавых фей, і пра батанічную ілюстрацыю.

Аўтарскі погляд

23 Ліп 2021

Пра бібліяаптэку мы яшчэ пагаворым. А зараз – пра рэчы не менш важныя. Свой першы твор Янка Купала напісаў па-польску, Якуб Колас – па-руску. Але кожны вярнуўся да родных вытокаў. Рашуча і канчаткова. Так бусел вяртаецца з выраю менавіта ў сваю буслянку…

Навіны бібліятэк

22 Ліп 2021

Унучка і праўнучка пісьменніка падрыхтавалі кнігу «Ясная зорка Якуба Коласа», што выходзіць у выдавецтве «Мастацкая літаратура». Яе гераіня – Марыя Дзмітраўна Міцкевіч, жонка класіка беларускай літаратуры.

Навіны бібліятэк

Бібліятэкарам