Выстава “Маладосць. Традыцыя. Будучыня”, прысвечаная Дню моладзі, праходзіць з 20 чэрвеня па 24 ліпеня ў зале перыядычных выданняў (пам. 106).
Сучасная беларуская моладзь – найважнейшы рэсурс развіцця краіны. Ад маладых грамадзян Беларусі шмат у чым залежыць будучыня рэспублікі. Толькі актыўна ўдзельнічаючы ў жыцці дзяржавы, адгукаючыся на ўсе падзеі, выступаючы ініцыятарам карысных пачынанняў, моладзь можа вызначыць сваю грамадзянскую пазіцыю, выхаваць у сваім асяроддзі лідараў, аб’яднацца ў імкненні будаваць будучыню краіны.
Прадстаўленыя ў экспазіцыі артыкулы асвятляюць такія пытанні, як каштоўнасныя арыенціры беларускай моладзі, роля грамадскіх маладзёжных аб’яднанняў і маладзёжнай палітыкі, дасягненні маладых вучоных у розных сферах прафесійнай дзейнасці.
Усяго на выставе прадстаўлена каля 20 перыядычных выданняў.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 06.
Матэрыял пададзены аддзелам абслугоўвання спецыялізаванымі фондамі.