ГалоўнаяНавіныНавіны Нацыянальнай бібліятэкі Беларусі
Бібліятэка як феномен культуры: адкрыўся штогадовы міжнародны кангрэс
Бібліятэкар Ульяна Сідаровіч: “Мая праца на працэнтаў семдзесят складаецца з творчасці”

Імпрэза “Чyжыx дyмaк нe пepaкaзвaў, cвae мeў” у Дзяржаўным музеі гісторыі беларускай літаратуры

Імпрэза “Чyжыx дyмaк нe пepaкaзвaў, cвae мeў” у Дзяржаўным музеі гісторыі беларускай літаратуры
Іншыя навіны

15 кастрычніка адбылося мерапрыемства “Чyжыx дyмaк нe пepaкaзвaў, cвae мeў”, прымеркаванае да 120-годдзя з дня нараджэння Адама Бабарэкі (14.10.1899–10.10.1938).

Таленавіты паэт, празаік, літаратуразнавец, крытык, адзін з арганізатараў літаратурных аб’яднанняў “Маладняк” і “Узвышша” стаў чарговым героем сумеснага праекта Нацыянальнай бібліятэкі Беларусі, Дзяржаўнага музея гісторыі беларускай літаратуры, Беларускага дзяржаўнага архіва-музея літаратуры і мастацтва і Выдавецкага дома “Звязда”.

Мерапрыемства адкрылі дырэктар Дзяржаўнага музея гісторыі беларускай літаратуры Міхаіл Рыбакоў і намеснік дырэктара Нацыянальнай бібліятэкі Беларусі па навуковай рабоце і выдавецкай дзейнасці Алесь Суша, якія адзначылі каштоўнасць сумеснай праектнай працы для папулярызацыі нацыянальнай культуры і літаратуры Беларусі. Галоўны рэдактар часопіса “Маладосць” Святлана Воцінава распавяла пра артыкул, які выйшаў у часопісе да 120-годдзя Адама Бабарэкі.

У вечарыне прынялі ўдзел даследчыкі спадчыны пісьменніка, якія ўсебакова раскрылі яго асобу. Дырэктар Беларускага дзяржаўнага архіва-музея літаратуры і мастацтва Ганна Запартыка расказала пра вяртанне фонду крытыка на Беларусь і навуковую працу, арганізаваную ў архіве-музеі літаратуры і мастацтва, па вывучэнні яго спадчыны, а архівіст Віктар Жыбуль апавядаў пра Збор твораў юбіляра ў 2 т. (2011, Вільнюс), які быў выдадзены пры яго непасрэдным удзеле.

Вядучы бібліёграф Нацыянальнай бібліятэкі Таццяна Лаўрык прэзентавала віртуальны раздзел “Адам Антонавіч Бабарэка” ў складзе праекта “На хвалі часу, у плыні жыцця”, прымеркаванага да 100-годдзя ўтварэння Усебеларускага літаратурнага аб’яднання паэтаў і пісьменнікаў “Маладняк”.

Вядучы бібліятэкар Нацыянальнай бібліятэкі Дзмітрый Давідоўскі ўзгадаў пра сяброўства А. Бабарэкі і У. Дубоўкі і расказаў пра ліставанне паміж гэтымі пісьменнікамі.

Мерапрыемствы, прымеркаваныя да юбілею Адама Бабарэкі, прадоўжацца цыклам лекцый пісьменніцы і педагога Ганны Севярынец і архівіста і літаратуразнаўца Віктара Жыбуля.

      Матэрыял прадастаўлены інфармацыйна-аналітычным аддзелам.

Навіны

Кампетэнтна і падрабязна

21 Ліс 2019

20 лістапада Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Звароты грамадзян: з практыкі грамадзянска-прававога кансультавання”.

Навіны Нацыянальнай бібліятэкі Беларусі

Віртуальны ваяж па тэатрах нашай краіны – з вэб-сайтам “Беларусь у інфармацыйнай прасторы”

20 Ліс 2019

Запрашаем наведаць тэатральную старонку навігатара “Беларусь у інфармацыйнай прасторы”. Тут вы знойдзеце інфармацыю аб музычных, драматычных, лялечных і іншых тэатрах Рэспублікі Беларусь, якія ставяць спектаклі для гледачоў розных узростаў: ад 3-х да 103-х гадоў.

Навіны Нацыянальнай бібліятэкі Беларусі

111