25 верасня Нацыянальную бібліятэку Беларусі наведаў Надзвычайны і Паўнамоцны Пасол Рэспублікі Узбекістан у Рэспубліцы Беларусь Насіржон Сабіравіч Юсуаў.
У цэнтры ўвагі сустрэчы – культурнае супрацоўніцтва пасольства Узбекістана і галоўнай бібліятэкі Беларусі. Генеральны дырэктар Раман Матульскі і спадар пасол абмеркавалі перспектывы развіцця супрацоўніцтва і яго магчымыя формы.
Для высокага госця правялі экскурсію па бібліятэцы, падчас якой азнаёмілі з гісторыяй “алмаза ведаў”, яго архітэктурнымі асаблівасцямі і мастацкім афармленнем.
У канцы сустрэчы высокі госць падарыў бібліятэцы тлумачальны слоўнік узбекскай мовы ў пяці тамах і зборнік твораў пісьменнікаў Беларусі і Узбекістана “Благословенный миг”.
Матэрыял пададзены аддзелам сувязей з грамадскасцю.