ГалоўнаяНавіныНавіны Нацыянальнай бібліятэкі Беларусі
14 лютага 1945 года. 85 дзён да Перамогі
Рэсурсы ВЧЗ у лічбавай трансфармацыі адукацыі

Духоўная асвета праз дзейнасць бібліятэк: да 500-годдзя з дня заснавання Свята-Успенскага Жыровіцкага манастыра

Духоўная асвета праз дзейнасць бібліятэк: да 500-годдзя з дня заснавання Свята-Успенскага Жыровіцкага манастыра
Іншыя навіны

12 лютага ў ДУ “Цэнтралізаваная сістэма дзіцячых бібліятэк г. Мінска” адбыўся круглы стол “Духоўная асвета праз дзейнасць бібліятэк: да 500-годдзя з дня заснавання Свята-Успенскага Жыровіцкага манастыра”.

У 2020 годзе ў Беларусі адзначаецца 550-годдзе з'яўленне Жыровіцкага абраза Божай Маці і 500-годдзе з дня заснавання Свята-Успенскага Жыровіцкага манастыра. Гэта значная падзея для культурнага жыцця краіны. Жыровіцкі Свята-Успенскі манастыр мае няпростую гісторыю, якая на працягу пяці стагоддзяў была шчыльна звязана з гісторыяй станаўлення і развіцця Беларусі. Сёння ён з'яўляецца адным з асноўных цэнтраў праваслаўя беларускага народа, а таксама ўваходзіць у лік найбуйнейшых архітэктурных ансамбляў краіны і яе найбольш вядомых славутасцей. Жыровіцкі абраз Божай Маці з'яўляецца асаблівай гісторыка-культурнай з'явай і ўваходзіць у спіс 100 самых значных праваслаўных святынь свету. Свята-Успенскі манастыр і абраз Жыровіцкай Божай Маці з'яўляюцца найважнейшымі духоўнымі сімваламі беларускага народа.

Значэнне духоўных святынь роднай зямлі ў патрыятычным і маральным выхаванні падрастаючага пакалення, роля бібліятэк у духоўнай асвеце праз кнігу і чытанне, іх уплыў на ўмацаванне сямейных асноў, станаўленне грамадзяніна і патрыёта – гэтыя і шэраг іншых пытанняў абмяркоўваліся падчас работы круглага стала ў Цэнтральнай дзіцячай бібліятэцы імя М. Астроўскага.

У мерапрыемстве ўзялі ўдзел кіраўнікі і спецыялісты бібліятэк, прадстаўнікі выдавецтваў рэспублікі і структур Беларускай праваслаўнай царквы.

Ад Нацыянальнай бібліятэкі Беларусі ў рабоце круглага стала ўзяла ўдзел Рынкевіч Вольга Аляксандраўна – галоўны бібліятэкар навукова-даследчага аддзела бібліятэказнаўства з дакладам "Арганізацыя рэспубліканскага конкурсу «Бібліятэка – цэнтр духоўнай асветы і выхавання» як эфектыўная форма павышэння кваліфікацыі бібліятэкараў рэспублікі".

Матэрыял прадастаўлены навукова-даследчым аддзелам бібліятэказнаўства.


Навіны

16 Чэр 2021

Адна з найстарэйшых і найбуйнейшых бібліятэк вышэйшых навучальных устаноў Беларусі – Фундаментальная бібліятэка БДУ – была ўключана ў структуру Праўлення гэтага ўніверсітэта 23 мая 1921 года, і менавіта гэты дзень лічыцца датай яе заснавання. Складаны, поўны перашкод шлях стварэння, выпрабаванні 1930-х гадоў, трагічныя падзеі перыяду Вялікай Айчыннай вайны, новыя ўмовы і патрабаванні апошніх дзясяцігоддзяў і сучаснага перыяду… Установа з драматычнай гісторыяй неаднойчы амаль знікала, але аднаўлялася – дзякуючы энтузіястам, аматарам кнігі. Ды ў краіне заўсёды разумелі: дзе навучанне, без бібліятэкі нікуды.

Навіны бібліятэк

Незвычайныя завяшчанні пісьменнікаў

16 Чэр 2021

Ці задумваліся вы калі-небудзь пра сваю апошнюю волю? Напэўна так, бо, як ні горка, ніхто з нас не вечны. Аднойчы прыйдзе час пакінуць гэты тленны свет, а перад гэтым паклапаціцца пра завяшчанне, каб шматлікія сябры і сваякі адразу ведалі, хто быў вашым любімчыкам. Вядомыя пісьменнікі таксама запісвалі сваю апошнюю волю – і часцяком іх інструкцыі і пажаданні былі як мінімум незвычайныя, як максімум – эксцэнтрычныя.

Аўтарскі погляд

Віртуальная чытальная зала НББ – публічным бібліятэкам Брэсцкай вобласці

15 Чэр 2021

Супрацоўнікі НББ працягваюць серыю анлайн-мерапрыемстваў для публічных бібліятэк розных рэгіёнаў нашай краіны. 15 чэрвеня адбыўся семінар, падрыхтаваны для нашых калег з Брэсцкай вобласці.

Навіны Нацыянальнай бібліятэкі Беларусі

Прэзентацыя альманаха “Казахстан – Беларусь” і сустрэча пісьменнікаў дзвюх краін

14 Чэр 2021

14 чэрвеня ў Нацыянальнай бібліятэцы прайшла прэзентацыя першага ў гісторыі казахстанска-беларускага супрацоўніцтва літаратурна-мастацкага альманаха “Казахстан – Беларусь” і адбылася сустрэча пісьменнікаў дзвюх краін.

Навіны Нацыянальнай бібліятэкі Беларусі

Алічбаваны альбом “Фоталетапіс з хатняга архіва Яна Скрыгана”

14 Чэр 2021

У межах віртуальнага праекта “На хвалі часу, у плыні жыцця”, прымеркаванага да 100-годдзя літаб’яднання “Маладняк”, рэалізуюцца самыя розныя ініцыятывы: праводзяцца мерапрыемствы, далучаюцца зацікаўленыя даследчыкі і партнёры, наладжваюцца сувязі з нашчадкамі маладнякоўцаў. Несумненнай каштоўнасцю праекта з’яўляюцца алічбаваныя дакументы, сярод якіх не толькі артыкулы, але і кнігі.

Да 100-годдзя літаб'яднання "Маладняк"

Бібліятэкарам
111