13 лютага рэсурсы віртуальнай чытальнай залы Нацыянальнай бібліятэкі Беларусі былі прадстаўлены на VII Адкрытай навукова-практычнай канферэнцыі з міжнародным удзелам “Дарожная карта лічбавай трансфармацыі адукацыі”.
З дакладам на пленарным пасяджэнні канферэнцыі выступіла загадчыца аддзела карпаратыўнага ўзаемадзеяння Марына Рудакоўская. Яна распавяла ўдзельнікам аб вядучых сусветных электронных інфармацыйных рэсурсах для адукацыйнай сферы (базы даных на платформах EBSCO, ProQuest, Oxford University Press, Cambridge University Press, East View, Лань, Універсітэцкая бібліятэка, BiblioRossica і іншых), а таксама аб магчымасцях выкарыстання сэрвісаў ВЧЗ у вырашэнні задач лічбавай трансфармацыі беларускай адукацыі.
Вялікую цікавасць у прысутных выклікаў новы віртуальны праект Нацыянальнай бібліятэкі Беларусі “100 дзён да Вялікай Перамогі. Па старонках беларускіх газет 1945 г.”.
У канферэнцыі прынялі ўдзел прадстаўнікі Мінскага гарадскога інстытута развіцця адукацыі, Цэнтра інфармацыйных рэсурсаў і камунікацый, Беларускага дзяржаўнага ўніверсітэта, Акадэміі кіравання пры Прэзідэнце Рэспублікі Беларусь, іншых устаноў вышэйшай і сярэдняй адукацыі.
Матэрыял прадастаўлены аддзелам карпаратыўнага ўзаемадзеяння.
