7 жніўня а 16-й гадзіне ў Дзяржаўным музеі гісторыі беларускай літаратуры адбудзецца мерапрыемства, прысвечанае 80-годдзю з дня нараджэння літаратуразнаўца, даследчыка, доктара філалагічных навук, прафесара А.І. Мальдзіса.
У рамках мерапрыемства, якое ладзіцца сумесна з Нацыянальнай бібліятэкай Беларусі, пройдзе выстаўка-прагляд твораў Адама Іосіфавіча Мальдзіса з фондаў бібліятэкі. Сярод работ юбіляра будуць прадстаўлены і яго першыя кнігі “Творчае пабрацімства: беларуска-польскія літаратурныя ўзаемасувязі ў XIX ст.” (1966) і “Падарожжа ў XIX стагоддзе” (1969). Яны паказваюць, што ў беларускім літаратуразнаўстве з’явіўся апантаны даследчык беларускай гісторыі, літаратуры і культуры.
Юбіляр не толькі актыўны чытач Нацыянальнай бібліятэкі Беларусі, але і вучоны, які ўзбагаціў яе фонды як аўтар 20 кніг і манаграфій, багатых на новыя факты і займальных па форме выкладання; звыш 700 найцікавейшых артыкулаў у рэспубліканскім і замежным друку (больш за 50 на англійскай, балгарскай, латышскай, літоўскай, нямецкай, славацкай, украінскай, эстонскай мовах); рэдактар і ўкладальнік звыш 40 выданняў пра багатую і слаўную гісторыю і культурную спадчыну Беларусі.
Кантактны тэлефон: (+375-17) 293-28-23.
E-mail: pr@nlb.by
