ГалоўнаяНавіныНавіны Нацыянальнай бібліятэкі Беларусі
#BelBookChallenge 2020 – на старт!
У “алмазе ведаў” адкрыліся VI Беларускія Калядныя чытанні

Больш, чым пісьменнік: адкрылася выстаўка “Княства вобразаў і слоў” (+ відэа)

Больш, чым пісьменнік: адкрылася выстаўка “Княства вобразаў і слоў” (+ відэа)
Іншыя навіны

26 лістапада а 17-й гадзіне ў галерэі “Мабільная” (3-ці паверх) адбылося адкрыццё выстаўкі “Княства вобразаў і слоў”. Экспазіцыя прымеркавана да 90-годдзя з дня нараджэння класіка беларускай літаратуры Уладзіміра Сямёнавіча Караткевіча.

Мастаком слова створана больш за 600 выяў, у якіх ён дакладна выпісваў дэталі касцюма, зброі, сілуэты і характэрныя рысы герояў. Малюнкі дапамагалі пісьменніку ў час працы над вобразнасцю тэксту. Аўтарскія эскізы да аповесцей, а таксама рукапісы верша “Развітанне з Радзімай”, самаробны канверт і ліст да сябра Язэпа Хаўратовіча (з яго прыватнай калекцыі) прадстаўлены на выстаўцы “Княства вобразаў і слоў”.

На мерапрыемстве выступілі першы намеснік генеральнага дырэктара Нацыянальнай бібліятэкі Беларусі Алена Далгаполава, першы намеснік старшыні грамадскага аб’яднання “Беларускі саюз мастакоў” Наталля Шаранговіч, загадчыца сектара музейнай дзейнасці навукова-даследчага аддзела кнігазнаўства Таццяна Захарава.

У экспазіцыю ўвайшлі юбілейныя, рэдкія і адметныя выданні твораў Уладзіміра Караткевіча з фондаў Нацыянальнай бібліятэкі Беларусі: першы зборнік прозы “Блакіт і золата дня” (1961, мастачка Алена Лось), раман “Каласы пад сярпом тваім”, ілюстраваны мастаком Арленам Кашкурэвічам 1968 года выдання з аўтографам Уладзіміра Сямёнавіча, юбілейнае чатырохмоўнае выданне “Дзікае паляванне караля Стаха”, падрыхтаванае Беларускім фондам культуры ў 2010 г. і ўпрыгожанае ўнікальнымі афортамі Юрыя Якавенкі. Адзін з гэтых афортаў у арыгінале (гравюра да вокладкі “Nicola”) пасля ўдзелу ў літаратурна-мастацкай выстаўцы застанецца ў фондзе Нацыянальнай бібліятэкі Беларусі – аўтар перадае яе ў падарунак з нагоды юбілею беларускага класіка.

Сілуэты, вобразы, знаёмыя сюжэты да сусветна вядомых раманаў і аповесцей, казак і вершаў Уладзіміра Караткевіча адлюстраваны на арыгінальных графічных работах і лістах Віктара Мікіты, Уладзіміра Вішнеўскага, Юрыя Хілько, Арлена Кашкурэвіча, Міхаіла Басалыгі, Юрыя Якавенкі, Васіля Шаранговіча, Мікалая Купавы, Яўгена Куліка, Людмілы Лобан, Тамары Шэлест, Святланы Рыжыкавай. Таксама можна ўбачыць рэалістычныя партрэты пісьменніка, зробленыя Арленам Кашкурэвічам і Васілём Шаранговічам.

Экспазіцыя падрыхтавана Нацыянальнай бібліятэкай Беларусі і Беларускім саюзам мастакоў. Актыўны ўдзел у арганізацыі экспазіцыі прыняў беларускі кніжны графік Мікалай Купава, які неаднаразова ладзіў мастацкія юбілейныя выстаўкі, прысвечаныя Уладзіміру Караткевічу.

Наведаць графічны помнік творчасці беларускага класіка – “Княства вобразаў і слоў” можна да 15 лютага 2021 г.

Уваход – па чытацкім білеце або білеце сацыякультурнага цэнтра.
Дата заканчэння працы экспазіцыі можа быць зменена.

Запрашаем таксама на экскурсію "Жыццёвы і творчы шлях Уладзіміра Караткевіча" з цыкла інтэрактыўных вучэбна-пазнавальных экскурсій “Славутыя імёны Бацькаўшчыны”, прысвечанага класікам беларускай літаратуры і дзеячам культуры.

Па рашэнні Мінгарвыканкама № 1069 масавыя мерапрыемствы рэкамендуецца наведваць толькі ў масках і іншых індывідуальных сродках абароны. Пераканаўча просім наведвальнікаў прыходзіць на выстаўку ў масках!

Глядзіце таксама рэпартаж тэлеканала "СТБ".

Матэрыял пададзены аддзелам сувязей з грамадскасцю.

Навіны

26 Сту 2021

“Беларуская Энцыклапедыя імя Петруся Броўкі” па заказе і пры фінансавай падтрымцы Міністэрства інфармацыі Рэспублікі Беларусь выдала персанальную энцыклапедыю “Уладзімір Караткевіч”. Аддрукавана кніга ў 65, 45 улікова-выдавецкіх аркушаў тыражом 1 000 экзэмпляраў на ААТ “Паліграфкамбінат імя Якуба Коласа”.

Навіны бібліятэк

#BelBookChallenge прапануе: кніга, дзе ён яе кахае, а яна яго не

27 Сту 2021

BelBookChallenge працягвае адшукваць літаратуру для цікавага чытання! У гэты раз падрыхтуйце свае насоўкі і ўвесь запас суперажывання: наша тэма заўжды актуальная і знаходзіць водгук ў сэрцах літаральна кожнага чытача. Сёння мы падабралі для вас кнігі, дзе ён яе кахае, а яна яго не – і наадварот, бо мы за роўнасць ва ўсім. Нават ў неўзаемным каханні.

Блог прафесійнага чытача

Размешчана праграма навукова-практычнага семінара “Шляхамі маладнякоўцаў”

26 Сту 2021

27 студзеня ў Нацыянальнай бібліятэцы Беларусі пройдзе навукова-практычны семінар “Шляхамі маладнякоўцаў”, прысвечаны юбілеям пісьменнікаў-маладнякоўцаў: 135-годдзю Змітрака Бядулі (1886–1941) і 120-годдзю Міхася Зарэцкага (1901–1937).

Навіны Нацыянальнай бібліятэкі Беларусі

23 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Бібліятэкарам
111