Выдавецтва De Gruyter да канца 2021 года прадстаўляе 30-працэнтную зніжку для публікацыі вынікаў даследаванняў у часопісах адкрытага доступу і гібрыдных выданнях.
Выдавецтва De Gruyter, якое ўваходзіць у дзясятку вядучых сусветных выдавецтваў навуковай літаратуры, штогод публікуе больш за 1 300 новых кніг і больш за 900 часопісаў у галіне гуманітарных, камп’ютарных, прыродазнаўчых і сацыяльных навук, медыцыны, матэматыкі, інжынерыі і права, а таксама прапануе шырокі спектр лічбавых сэрвісаў, у тым ліку адкрыты доступ да часопісаў і кніг.
Для атрымання зніжкі кожная з зацікаўленых беларускіх арганізацый (месца працы аўтара) павінна падпісаць пагадненне з кампаніяй Walter de Gruyter GmbH.
Больш падрабязную інфармацыю вы знойдзеце на партале Нацыянальнай бібліятэкі Беларусі. Са спісам часопісаў можна азнаёміцца тут.
Матэрыял пададзены аддзелам бібліятэчна-інфармацыйных тэхналогій.