ГалоўнаяНавіныМастацкія выстаўкі
Конкурс маладых літаратараў “Мост Дружбы”
Прэзентацыя кнігі пра нацысцкі генацыд ў Беларусі

Прагулка па сталіцы

Прагулка па сталіцы
Іншыя навіны

22 верасня ў галерэі "Атрыум" адкрылася мастацкая выстаўка Маргарыты Маніс "Прагулка па сталіцы".


Адпраўляючыся на "прагулку па сталіцы" з Маргарытай Маніс, не забудзьцеся захапіць з сабой рамантычны настрой, і тады вам адкрыецца Мінск "тэатральны" – горад пачуццяў, эмоцый і загадак. Няміга на захадзе сонца, мокры праспект, святло ў вокнах шматпавярховак... Сталіца заўсёды натхняла мастачку на стварэнне карцін.

Маргарыта Маніс скончыла Мінскае мастацкае вучылішча імя Глебава ў 1988 годзе, але яе мастацкі шлях пачаўся трохі пазней. Пасля вучылішча яна працавала ў сферы рэкламных паслуг, потым вучылася ў Інстытуце сучасных ведаў па спецыяльнасці "правазнаўства", а праз некаторы час арганізавала сваё агенцтва нерухомасці. Маргарыта заўсёды адчувала, што прапускае нешта вельмі значнае ў сваім жыцці – сваё прызначэнне. На шчасце, яна здолела паставіць усё на свае месцы і зноў пачаць пісаць карціны, як гэта і належыць мастачцы.

Першы намеснік дырэктара Нацыянальнай бібліятэкі Беларусі Алена Далгаполава нагадала ўсім прысутным, што на нашай агляднай пляцоўцы можна ацаніць маштабы сталіцы на фотавыстаўцы, дзе горад прадстаўлены з вышыні птушынага палёту, а палотны Маргарыты Маніс паказваюць зусім іншы Мінск – утульны і камерны.

Ёсць сярод карцін асаблівыя працы, на іх Мінск дажджлівы, але зусім не шэры. Ён не перастае быць сонечным і прыгожым. Як сказала арт-крытык, заснавальнік першай беларускай галерэі "Брама" Ларыса Фінкельштэйн, "гэта ўсё таму, што аўтар работ вельмі сонечны і добры чалавек".

Павіншаваць Маргарыту з адкрыццём выстаўкі прыйшла заслужаны журналіст Рэспублікі Беларусь Святлана Шыдлоўская. Яна параўнала карціны мастачкі з каляднымі шарамі, якія выпраменьваюць незвычайнае магічнае святло.

Сярод прадстаўленых у экспазіцыі работ можна ўбачыць карціну – прысвячэнне Нацыянальнай бібліятэцы Беларусі. "Алмаз" будынка тоне ў ціхіх вячэрніх прыцемках, афарбаваных у бэзава-фіялетавы колер. "Калі ахоплівае сум, – прызналася сама Маргарыта, – я прыязджаю да Нацыянальнай бібліятэкі, і яе вячэрняе светлавое шоу заўсёды паднімае настрой і зараджае станоўчымі эмоцыямі".

Запрашаем усіх жадаючых далучыцца да "Прагулка па сталіцы" да 25 снежня 2016 года.

Тэлефоны для даведак: (8 017) 293 27 56, 293 28 33.
Е-mail: pr@nlb.by

Навіны

Практыкум па ўжыванні УДК на беларускай мове

18 Лют 2020

У Мінскай абласной бібліятэцы імя А.С. Пушкіна 20 лютага адбудзецца практыкум, прысвечаны ўжыванню міжнароднай класіфікацыйнай сістэмы “Універсальная дзесятковая класіфікацыя” на беларускай мове для арганізацыі краязнаўчых фондаў і іх адлюстравання ў інфармацыйна-пошукавых сістэмах публічных бібліятэк.

Навіны Нацыянальнай бібліятэкі Беларусі

"Лепшыя кнігі Беларусі": выстаўка па выніках LIХ Нацыянальнага конкурсу "Мастацтва кнігі"

18 Лют 2020

З 18 лютага па 18 красавіка ў бібліятэцы (3-ці паверх, кальцавы калідор) праходзіць выстаўка выданняў, адзначаных узнагародамі LIХ Нацыянальнага конкурсу “Мастацтва кнігі”.

Кніжныя выстаўкі

Прэзентацыя электроннага выдання "Не пакідайце ж мовы нашай беларускай…"

14 Лют 2020

19 лютага ладзіцца прэзентацыя электроннага выдання “Не пакідайце ж мовы нашай беларускай…”, прысвечанага 180-годдзю з дня нараджэння Францішка Багушэвіча.

Навіны Нацыянальнай бібліятэкі Беларусі

Духоўная асвета праз дзейнасць бібліятэк: да 500-годдзя з дня заснавання Свята-Успенскага Жыровіцкага манастыра

14 Лют 2020

12 лютага ў ГУ “Цэнтралізаваная сістэма дзіцячых бібліятэк г. Мінска” адбыўся круглы стол “Духоўная асвета праз дзейнасць бібліятэк: да 500-годдзя з дня заснавання Свята-Успенскага Жыровіцкага манастыра”.

Навіны Нацыянальнай бібліятэкі Беларусі

111