ГалоўнаяНавіныКніжныя выстаўкі
Ганкураўскую прэмію ўручылі за раман пра чатырнаццацігадовага падлетка
Адкрылася выстаўка да 100-годдзя завяршэння Першай сусветнай вайны

“Я Беларусь адшукаю па небу…”

“Я Беларусь адшукаю па небу…”
Іншыя Навіны

З 9 лістапада па 9 снежня ў зале беларускай літаратуры (пам. 205) праходзіць юбілейная выстаўка “Я Беларусь адшукаю па небу…”, прысвечаная 60-годдзю беларускага паэта і публіцыста Леаніда Іванавіча Пранчака.

Па творчай манеры Леанід Пранчак – паэт лірычнага складу. Для каго б ён ні пісаў – для маленькага ці дарослага чытача, – яго творы напоўнены шчырым пачуццём любові да роднай зямлі, яе людзей. Аўтар стварае мастацкі свет хараства і гармоніі, да якіх павінен імкнуцца кожны чалавек. Паэтычнае слова для Леаніда Пранчака – гэта яго духоўная існасць, аснова адносін да жыцця і свету.

Першы раздзел выстаўкі “Квітней мой абуджаны край” знаёміць наведвальнікаў з кнігамі вершаў Леаніда Пранчака розных гадоў, сярод якіх “Першапутак”, “Дзяўчынка беларуска”, “Біблія для каханай”, “Вольны птах”, “Цік-так, ходзікі”, “Мама, тата і Агата” і іншымі, а таксама калектыўнымі зборнікамі, у якіх змешчаны творы паэта. У кнізе “Беларуская Амерыка” Л. Пранчак праз інтэрв’ю з грамадскімі дзеячамі, пісьменнікамі, музыкантамі, бізнесменамі, рабочымі і інш. расказаў пра Беларусь і беларусаў, якія ў сілу розных жыццёвых абставін апынуліся далёка за межамі нашай радзімы.

На вершы Леаніда Пранчака напісана больш за 200 песень, сярод якіх сапраўднымі шлягерамі сталі “Каля Чырвонага касцёла”, “Даставай Язэп, гармонік”, “Паклонніца”, “Сумны саксафон”, ”Цемнавокая пані”, “Каханая”, “Талака” і інш. Музыку да яго вершаў стваралі такія папулярныя кампазітары, як Л. Захлеўны, В. Іваноў, Э. Ханок і інш. Песня “Красуй, Беларусь!” на музыку В. Раінчыка стала гімнам творчай інтэлігенцыі, якім заканчваюцца разнастайныя святы і фестывалі. Песні і вершы Л. Пранчака ў перакладзе на рускую і англійскую мовы гучаць у Расіі, Польшчы, ЗША і іншых краінах. Нотныя выданні прадстаўлены ў раздзеле “Музыкай, радок мой, зажыві”.

Дапаўняюць экспазіцыю матэрыялы пра жыццё і творчасць пісьменніка, змешчаныя ў раздзеле “Пакуль кахаю – я паэт”.

Экспазіцыя налічвае каля 55 дакументаў.


Час работы выстаўкі адпавядае рэжыму работы бібліятэкі.

Уваход – па чытацкім білеце ці білеце сацыякультурнага цэнтра.

Тэлефон для даведак: (8 017) 293 27 16.


Навіны

15–30 верасня 1944 года. На шляху да Вялікай Перамогі

24 Вер 2024

Працяг новага праекта Нацыянальнай бібліятэкі Беларусі “Газетныя радкі чытаючы сэрцам. Да 80-годдзя Перамогі савецкага народа ў Вялікай Айчыннай вайне” прысвечаны 80-годдзю Перамогі савецкага народа над нямецка-фашысцкімі захопнікамі ў Вялікай Айчыннай вайне. З канца ліпеня 2024-га па май 2025 г. на партале Нацыянальнай бібліятэкі Беларусі публікуюцца матэрыялы з газет Савецкай Беларусі 1944 года, якія адлюстроўваюць хроніку навін і падзей таго часу.

Праект “Газетныя радкі чытаючы сэрцам. Да 80-годдзя Перамогі савецкага народа ў Вялікай Айчыннай вайне”

Новае выданне твораў Кузьмы Чорнага

24 Вер 2024

18 верасня супрацоўнікі Нацыянальнай бібліятэкі Беларусі ўзялі ўдзел у прэзентацыі другога тома Збору твораў Кузьмы Чорнага, якое адбылося ў Інстытуце літаратуразнаўства імя Янкі Купалы Цэнтра даследаванняў беларускай культуры, мовы і літаратуры Нацыянальнай акадэміі навук Беларусі.

Да 100-годдзя літаб'яднання "Маладняк"

Зала дакументаў па мастацтве прапануе: рубрыка “Паштоўкі і плакаты з фондаў Нацыянальнай бібліятэкі Беларусі”

22 Вер 2024

Кожны дзень, праходзячы па калідорах бібліятэкі, мы і нашы чытачы любуемся творамі беларускіх жывапісцаў, скульптараў, майстроў дэкаратыўна-прыкладнога мастацтва.

Зала дакументаў па мастацтве прапануе...

У бібліятэцы абмеркавалі міжнародныя стандарты і выбарчы працэс

20 Вер 2024

19–20 верасня ў Нацыянальнай бібліятэцы Беларусі адбылася Міжнародная навукова-практычная канферэнцыя “Міжнародныя стандарты і выбарчы працэс: вопыт і перспектывы развіцця”.

Навіны Нацыянальнай бібліятэкі Беларусі

“«Песняры»: малітва галасоў і сэрцаў”: бібліятэка стварае новы віртуальны праект

20 Вер 2024

У гэтым годзе адзначаецца 55-годдзе з часу заснавання Беларускага дзяржаўнага ансамбля “Песняры” – легендарнага гурта, любімага мільёнамі слухачоў у розных краінах свету.

Навіны Нацыянальнай бібліятэкі Беларусі

Бібліятэкарам