ГалоўнаяНавіныНавіны Нацыянальнай бібліятэкі Беларусі
“Я Беларусь адшукаю па небу…”
Беларусь у Вялікай вайне 1914–1918 гг.

Адкрылася выстаўка да 100-годдзя завяршэння Першай сусветнай вайны

Адкрылася выстаўка да 100-годдзя завяршэння Першай сусветнай вайны
Іншыя навіны

8 лістапада ў музеі кнігі (пам. 347) адкрылася выстаўка “Беларусь у Вялікай вайне 1914–1918 гг.”.

Сёлета 11 лістапада большасць еўрапейскіх краін адзначае 100-годдзе завяршэння Першай сусветнай вайны, якая стала адной з самых жахлівых падзей у гісторыі: каля 10 мільёнаў чалавек загінулі, яшчэ каля 20 мільёнаў вярнуліся з вайны параненымі і скалечанымі.

Выстаўка арганізавана Нацыянальнай бібліятэкай Беларусі сумесна з вядомым даследчыкам і калекцыянерам Уладзімірам Ліхадзедавым (аўтарам праекта “У пошуках страчанага”). Яна дазволіць па-новаму зірнуць на падзеі Першай сусветнай праз прызму пісьмовых крыніц і тагачасную друкаваную прадукцыю.

На ўрачыстым адкрыцці выступіў намеснік дырэктара Нацыянальнай бібліятэкі Беларусі Аляксандр Суша. Ён нагадаў аб той ролі, якую адыграла Першая сусветная вайна ў гісторыі Беларусіі. Наша краіна апынулася на самай лініі фронту, і для яе жыхароў гэта стала жахлівым выпрабаваннем. У той жа час вайна прывяла да краху вялікіх імперый, стварыла новыя магчымасці для фарміравання сучаснай беларускай дзяржаўнасці.

Міністр інфармацыі Рэспублікі Беларусь Аляксандр Карлюкевіч адзначыў, што гэты праект адкрывае новыя старонкі ў айчыннай гісторыі, і павіншаваў прысутных з адкрыццём выстаўкі.

Уладзімір Ліхадзедаў выказаў словы падзякі ў адрас Нацыянальнай бібліятэкі Беларусі за супрацоўніцтва і распавёў аб экспанатах са сваёй калекцыі, якія сталі часткай экспазіцыі.

На адкрыцці выступілі таксама загадчык навукова-даследчага аддзела кнігазнаўства Анатоль Сцебурака і вядучы бібліёграф інфармацыйна-аналітычнага аддзела Таццяна Лаўрык, якая прэзентавала новы раздзел “Палкаводцы і военачальнікі – ураджэнцы Беларусі: да 100-стагоддзя заканчэння Пяршай сусветнай вайны” віртуальнага праекта “Беларусь у Першай сусветнай”, створанага ў 2014 годзе.

Для гасцей правялі экскурсію па выстаўцы, на якой яны пазнаёміліся з унікальнымі экспанатамі з жыцця па абодва бакі фронту – рэдкімі кнігамі, газетамі, часопісамі, паштоўкамі, лістамі салдат, а таксама з арыгінальнымі пісьмовымі прыладамі, друкаванай тэхнікай, асабістымі рэчамі і прадметамі культу ваеннага часу.

Тэлефоны для даведак: (8 017) 266 37 37, 293 77 22, 293 28 81.
Е-mail: pr@nlb.by

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Перапіска з Пушкіным і прыжыццёвыя выданні: літаратурная спадчына Адама Міцкевіча ў фондах Нацыянальнай бібліятэкі

22 Сту 2019

У снежні споўнілася 220 гадоў з дня нараджэння першага беларускага паэта-рамантыка Адама Міцкевіча. Нацыянальная бібліятэка Беларусі далучылася да святкавання і прадставіла ў Мінску і Маскве яркія кніжныя выстаўкі.

Навіны Нацыянальнай бібліятэкі Беларусі

“Лісты да Жазефіны”: навуковая і рамантычная кніга на аснове рукапісаў з фонду Нацыянальнай бібліятэкі Беларусі

21 Сту 2019

Бібліятэкай падрыхтавана навуковае выданне “Лісты да Жазефіны: ваенныя шляхі французскага афіцэра. 1805–1812”. Асноўнай гістарычнай крыніцай паслужылі лісты французскага афіцэра Шарля-Піліпа Фіта дэ Сусі да сваёй жонкі, якія зберагаюцца ў фондзе Нацыянальнай бібліятэкі Беларусі.

Навіны Нацыянальнай бібліятэкі Беларусі

Новы відэаўрок па базе даных “Вучоныя Беларусі”

21 Сту 2019

Для карыстальнікаў, якія не маюць магчымасці наведаць нашу бібліятэку, падрыхтаваны відэаўрок па рабоце з базай даных “Вучоныя Беларусі”, які знаёміць з рэсурсам і асноўным алгарытмам пошуку.

Навіны Нацыянальнай бібліятэкі Беларусі

Інстытут Польскі ў Мінску – партнёр у арганізацыі ХV Міжнародных кнігазнаўчых чытанняў

18 Сту 2019

Інстытут Польскі ў Мінску пацвердзіў падтрымку ў арганізацыі ХV Міжнародных кнігазнаўчых чытанняў, дзякуючы якой чакаецца прыезд у Мінск выбітных прадстаўнікоў сучаснага польскага кнігазнаўства.

Навіны Нацыянальнай бібліятэкі Беларусі