ГалоўнаяНавіныКніжныя выстаўкі
Калекцыя Нацыянальнай бібліятэкі папоўнілася самым раннім выданнем Адама Міцкевіча з усіх, што зберагаюцца ў дзяржаўных зборах краіны
Беларускі “Буквар” крочыць па планеце

Вернасць слову

Вернасць слову
Іншыя навіны

З 19 ліпеня па 5 верасня ў зале беларускай літаратуры (пам. 205) праходзіць выстаўка “Вернасць слову”, прысвечаная 100-годдзю з дня нараджэння Міхаіла Гапеевіча Булахава (1919–2012).

Навуцы і адукацыі вядомы беларускі мовазнавец, доктар філалагічных навук, прафесар, заслужаны дзеяч навукі Беларусі Міхаіл Гапеевіч Булахаў прысвяціў каля 60 сваіх творчых гадоў, на працягу якіх ім былі апублікаваны сотні навуковых, метадычных і энцыклапедычных прац. Даследаваў вучоны праблемы сучаснай беларускай мовы, гісторыю беларускай мовы і яе ўзаемадзеянне з іншымі славянскімі мовамі. Фундаментальныя навуковыя працы Міхаіла Гапеевіча прынеслі яму сусветную славу.

У раздзеле экспазіцыі “Словазначныя гарызонты” прадстаўлена шматлікая навуковая спадчына М.Г. Булахава: манаграфія “Развіццё беларускай літаратурнай мовы ў XIX–XX стст. ва ўзаемаадносінах з іншымі славянскімі мовамі”, трохтомнае даследаванне “Прыметнік у беларускай мове”, кніга “Евфимий Фёдорович Карский”, біябібліяграфічны слоўнік “Восточнославянские языковеды” ў 3-х тамах, “Опыт исторического словаря русской лингвистической терминологии” ў 5-ці тамах, “Избранные работы по языкознанию: русистика, белорусистика, славистика” і інш.

Выданні “Слово о полку Игореве” в переводах на славянские языки XIX–XX вв.”, “«Слово о полку Игореве» і Беларусь”, “Беларускія перакладчыкі, даследчыкі, ілюстратары «Слова о полку Игореве»”, энцыклапедычны слоўнік “«Слово о полку Игореве» в литературе, искусстве, науке” дэманструюць усебаковую навукова-даследчую працу М. Булахава над вядомым помнікам літаратуры.

Таксама на выстаўцы экспануюцца падручнікі і вучэбныя дапаможнікі па беларускай і рускай мовах для студэнтаў вышэйшых навучальных устаноў, напісаных асабіста Міхаілам Гапеевічам ці ў суаўтарстве з іншымі мовазнаўцамі.

Выданні, дзе М.Г. Булахаў выступае як галоўны рэдактар ці член навуковай рэдакцыйнай калегіі, сабраны ў асобным раздзеле “Ад славістыкі да «словазнаўства»”.

Раздзел экспазіцыі “Лінгвіст, мовазнаўца, гісторык” знаёміць наведвальнікаў з жыццёвым і творчым шляхам Міхаіла Гапеевіча.


Час работы выстаўкі адпавядае рэжыму работы бібліятэкі.
Уваход – па чытацкім білеце ці білеце сацыякультурнага цэнтра бібліятэкі.

Тэлефон для даведак: (8 017) 293 27 16.

Матэрыял прадастаўлены аддзелам абслугоўвання спецыялізаванымі фондамі.


Навіны

Да Дня работнікаў культуры супрацоўнікі бібліятэкі атрымалі заслужаныя ўзнагароды

11 Кас 2019

Напярэдадні прафесійнага свята Міністэрства культуры Рэспублікі Беларусь узнагародзіла лепшых спецыялістаў галіны. Сярод іх – супрацоўнікі Нацыянальнай бібліятэкі Беларусі.

Навіны Нацыянальнай бібліятэкі Беларусі

Выхад з ценю: невядомы арыгінал Берасцейскай Бібліі

10 Кас 2019

10 кастрычніка ў музеі кнігі адбылося ўрачыстае адкрыццё выставы “Выхад з ценю: невядомы арыгінал Берасцейскай Бібліі”, якая зноў прыцягнула ўвагу грамадскасці да адной з самых незвычайных і таямнічых друкаваных кніг Беларусі XVI ст.

Кніжныя выстаўкі

Пяць кніжак на выходныя

11 Кас 2019

Час летніх вандровак скончыўся, але адпраўляцца ў падарожжа можна не толькі наяве, але і па кніжках. Так, Марыя Мартысевіч сваю гераіню адправіла ў міфічную краіну Сарматыю, адкуль тая піша да сястры лісты і расказвае пра норавы гэтага дзікага краю. А Міхал Андрасюк выправіўся ў падарожжа па родных для сваіх продкаў мясцінах на беларуска-польскім памежжы – выправіўся ва ўспамінах і снах. Маленькая Бэрта з кнігі Сары Лундберг марыць паляцець птушкай з вёскі ў горад...

Навіны бібліятэк

Напісанае застаецца: новае выданне твораў Васіля Быкава

10 Кас 2019

Выдавецтва “Мастацкая літаратура” распачало новую кніжную серыю – “Напісанае застаецца”. Першая кніга ў творчым праекце, які абяцае выклікаць увагу чытачоў, – зборнік аповесцей народнага пісьменніка Беларусі Васіля Быкава “Знак бяды. Абеліск. Жураўліны крык”.

Навіны бібліятэк

111