ГалоўнаяНавіныНавіны Нацыянальнай бібліятэкі Беларусі
Па сакрэце: таямніцы фондасховішча Нацыянальнай бібліятэкі
Вернасць слову

Калекцыя Нацыянальнай бібліятэкі папоўнілася самым раннім выданнем Адама Міцкевіча з усіх, што зберагаюцца ў дзяржаўных зборах краіны

Калекцыя Нацыянальнай бібліятэкі папоўнілася самым раннім выданнем Адама Міцкевіча з усіх, што зберагаюцца ў дзяржаўных зборах краіны
Іншыя навіны

Гэта другі том легендарнага двухтомніка паэтычных твораў Адама Міцкевіча, які выйшаў ў траўні 1823 г. у выдавецтве знакамітага віленскага друкара і кнігагандляра Юзафа Завадскага.

Раней самым старым выданнем Адама Міцкевіча ў фондах бібліятэкі быў асобнік “Конрада Валенрода”, надрукаваны ў 1828 годзе ў Пецярбургу.

Набытая бібліятэкай кніга “Poezye Adama Mickiewicza. Т. 2”, выдадзеная ў 1823 годзе, калі А. Міцкевічу было 25 гадоў, разам з 1-м томам, які выйшаў у 1822 годзе, з'яўляецца найбольш ранняй публікацыяй твораў паэта ў выглядзе асобнага выдання. Цяпер спецыялісты Нацыянальнай бібліятэкі рупліва працуюць, каб адшукаць першы том.

Дарэчы, набыты экзэмпляр паходзіць з прыватнага кнігазбору сям’і польскага пісьменніка, дыпламата, грамадскага дзеяча і мецэната Уладзіслава Пельца (1906–2002), дыпламатычная служба якога праходзіла спачатку ў Харбіне, а пасля ў Парыжы. На адвароце форзацнага аркуша маецца ўладальніцкі запіс жонкі У. Пельца, Хэлены: “Pelcowa 2.2.1939, Paryz”.

У другім томе зборніка ўпершыню апублікаваны паэма “Гражына” і дзве часткі паэмы “Дзяды”. Экзэмпляр даволі добра захаваўся і мае свае асаблівасці. На тытульным аркушы – выява анёла з лірай (віньетка), размаляваная ад рукі, верагодна, кімсьці з былых уладальнікаў. Цікава, што ў кнізе маецца спіс асоб, якія падпісаліся на выданне, з указаннем колькасці замоўленых асобнікаў (насупраць некаторых прозвішчаў з гэтага спіса чарнілам пазначаны нумары).

На сённяшні дзень зборнік “Poezye Adama Mickiewicza” – вельмі рэдкае выданне. Прыжыццёвыя выданні А. Міцкевіча выпускаліся абмежаваным накладам, і праз амаль два стагоддзі захаваныя асобнікі ператварыліся ў сапраўдныя рарытэты, з кожным годам іх каштоўнасць расце.

Запрашаем у бібліятэку патрымаць рарытэтны томік ва ўласных руках!

Матэрыял прадастаўлены навукова-даследчым аддзелам кнігазнаўства.

Глядзіце таксама відэарэпартаж пра падзею на сайце Белтэлерадыёкампаніі і чытайце пра тое, якія яшчэ ўнікальныя выданні Адама Міцкевіча можна знайсці ў Нацыянальнай бібліятэцы.

Навіны

Пра культурную спадчыну нашай краіны – у дакументальным праекце АНТ “Беларусь. Сталенне”

13 Жні 2020

Кожная краіна ганарыцца сваімі дасягненнямі. І Беларусь не выключэнне, нашы поспехі – у самых розных галінах. Сёння цікавасць беларусаў да культурнай спадчыны не знікае, а толькі павялічваецца. Мы ганарымся сваім мінулым і духоўнымі дасягненнямі.

Навіны Нацыянальнай бібліятэкі Беларусі

Раман Матульскі: Нам усім неабходна стаяць на традыцыях і каранях талерантнасці, якія замацаваліся ў нашым народзе, на тых духоўных хрысціянскіх і еўрапейскіх каштоўнасцях, на якія на працягу стагоддзяў абапіраліся нашы продкі

13 Жні 2020

Вядомыя дзеячы культуры і мастацтва, сярод якіх і генеральны дырэктар Нацыянальнай бібліятэкі Беларусі Раман Матульскі, заклікаюць беларусаў праявіць мудрасць і талерантнасць.

Навіны Нацыянальнай бібліятэкі Беларусі

Беларускі фальклор і “Век людзей”

13 Жні 2020

З красавіка 2019 года ў літаратурным часопісе “Маладосць” друкуецца фэнтэзійны раман “Век людзей” супрацоўніцы аддзела суправаджэння інтэрнэт-партала НББ Маргарыты Латышкевіч.
Ці варта сёння пісаць фантастыку і дзе карані “Века”? Аўтарка, якая вядзе на партале НББ чытацкі блог, распавяла пра свой вопыт напісання вялікай прозы.

Аўтарскі погляд

Супрацоўнік Нацыянальнай бібліятэкі ўзяў удзел у перадачы тэлеканала “Россия 1”

12 Жні 2020

Андрэй Бараноўскі, галоўны бібліёграф НІА бібліяграфіі Нацыянальнай бібліятэкі Беларусі, гісторык-краязнаўца, аўтар кнігі “Лепельское пехотное училище”, узяў удзел у тэлевізійнай перадачы тэлеканала “Россия 1” з цыкла “Память огненных лет”.

Навіны Нацыянальнай бібліятэкі Беларусі

14 Жні 2020

Падчас архіўна-пошукавай працы аўтара гэтых радкоў адзін твор з ранняй паэтычнай спадчыны Янкі Купалы нечакана ўзбуйніўся ў сваёй дыпламатычнай ролі, пашырэнні вядомасці маладой беларускай літаратуры ва ўсім свеце.

Навіны бібліятэк

111