ГалоўнаяНавіныНавіны Нацыянальнай бібліятэкі Беларусі
Вернасць слову
Нацыянальная бібліятэка Беларусі на VI Форуме рэгіёнаў Беларусі і Расіі

Беларускі “Буквар” крочыць па планеце

Беларускі “Буквар” крочыць па планеце
Іншыя навіны

У 2018 г. Нацыянальная бібліятэка Беларусі завяршыла міжнародны навуковы выдавецкі праект па факсімільным ўзнаўленні кніжнага артэфакта – першай кнігі пад назвай “Буквар”, выдадзенай 24 ліпеня 1618 г. у друкарні Віленскага Свята-Духава праваслаўнага брацтва ў Еўе (цяпер г. Вевіс, Літва).

Выданне аказала істотны ўплыў на развіццё кніжнай традыцыі адукацыйнай дзейнасці на беларускіх землях і ва ўсёй Усходняй Еўропе. У свеце засталося два асобнікі першага буквара: адзін захоўваецца ў Бібліятэцы Мідл Тэмпл (Лондан, Вялікабрытанія), другі – у Каралеўскай бібліятэцы Даніі (Капенгаген).

Па выніках праекта факсімільныя выданні былі перададзены ў дар установам культуры і адукацыі Беларусі, краін Еўрапейскага саюза і Садружнасці Незалежных Дзяржаў. У бліжэйшы час факсіміле таксама папоўніць фонды нацыянальных бібліятэк ААЭ, Аргенціны, Аўстраліі, Балгарыі, Бразіліі, Грузіі, Ірландыі, Венесуэлы, В'етнама, Інданезіі, Індыі, Іспаніі, Карэі, Катара, Кубы, Манголіі, Нарвегіі, Пакістана, ПАР, Румыніі, Сербіі, Сірыі, Турцыі, Харватыі, Эстоніі і Японіі. Сёння, 18 ліпеня 2019 г., Нацыянальная бібліятэка Беларусі перадала факсімільнае выданне “Буквар” для гэтых бібліятэк на штогадовым семінары кіраўнікоў дыпламатычных прадстаўніцтваў і консульскіх устаноў Рэспублікі Беларусь.

Bukvar-Diplomatam.jpg

Па словах дыпламатаў, падобныя культурныя праекты спрыяюць развіццю адносін у культурнай сферы і ўмацаванню сяброўскіх узаемаадносін паміж краінамі.

Партнёрамі Нацыянальнай бібліятэкі па факсімільным аднаўленні першага “Буквара” выступілі Бібліятэка Ганаровага таварыства Мідл Тэмпл ў Лондане, Пасольства Рэспублікі Беларусь у Злучаным Каралеўстве Вялікабрытаніі і Паўночнай Ірландыі, Міністэрства культуры Рэспублікі Беларусь, Міжнародная асацыяцыя беларусістаў, Беларускі дзяржаўны ўніверсітэт, Міністэрства адукацыі Рэспублікі Беларусь, Еўрапейскі банк рэканструкцыі і развіцця, Беларускі банк развіцця і рэканструкцыі “Белінвестбанк”.

Матэрыял прадстаўлены аддзелам сувязей з грамадскасцю.

Навіны

30 Ліп 2021

Мы так часта ўжываем слова “культура”, што іншым разам не задумваемся над глыбінным сэнсам паняцця. І дарэмна. Напэўна, у гэтым прычына не надта вялікай чысціні нашых ліфтаў і душ. А таксама – не вельмі добрага ведання роднай гісторыі ды імя продка ў пятым калене. А сапраўды, што за паняцце такое – культура?

Навіны бібліятэк

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага

27 Ліп 2021

27 ліпеня ў Нацыянальнай бібліятэцы адбылося пленарнае пасяджэнне выставачна-асветніцкага мерапрыемства, прысвечанага 200-годдзю з дня нараджэння Ф.М. Дастаеўскага, і адкрыццё фотавыставы “Пецярбург Дастаеўскага”.

Навіны Нацыянальнай бібліятэкі Беларусі

Мой чытацкі спіс: навошта ім дзяліцца і ў чым наогул сэнс

28 Ліп 2021

У эпоху Інтэрнэту ўсё наша жыццё навідавоку. Фотаздымкі з паездак, душэўныя пасты ў сацсетках, нататкі пра хобі і любімыя фільмы хутка становяцца здабыткам грамадскасці – і нават чытанне. Што прымушае нас весці свае чытацкія дзённікі? Пахвальба, жаданне самасцвердзіцца ці проста прага да самавыяўлення? Давайце разбірацца – у спісах, кнігах і саміх сабе.

Аўтарскі погляд

“Ян Баршчэўскі, які любіў Бога, прыроду і людзей” – выстава ў музеі кнігі (+відэа)

23 Ліп 2021

22 ліпеня ў музеі кнігі Нацыянальнай бібліятэкі Беларусі адбылося адкрыццё выставы “Ян Баршчэўскі, які любіў Бога, прыроду і людзей”, на якой упершыню дэманструюцца разам аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.

Навіны Нацыянальнай бібліятэкі Беларусі

Бібліятэкарам