ГалоўнаяНавіныКніжныя выстаўкі
Геній оперы
Рэлакс-масаж для твару

Шматгранны талент вучонага

Шматгранны талент вучонага
Іншыя навіны

З 16 па 31 снежня 2008 года ў зале беларускай літаратуры (пам. 205) праходзіць юбілейная кніжная выстаўка "Шматгранны талент вучонага", прысвечаная 80-годдзю з дня нараджэння Марата Барысавіча Батвінніка (1928–2008), беларускага гісторыка.


Навуковыя працы М. Б. Батвінніка характарызуюцца дакладнасцю гістарычных фактаў і абгрунтаванасцю думак і высноў. Змест і падача матэрыялу ў іх сведчаць пра скрупулёзнасць, глыбокія веды і рознабаковыя інтарэсы вучонага-даследчыка.

Тры раздзелы выстаўкі змяшчаюць каля 70 дакументаў, якія сведчаць пра шырокі дыяпазон тэм, узнятых і асветленых Маратам Барысавічам у яго навуковых працах.

У першым раздзеле "Гісторык, кнігазнаўца, біёграф, педагог" прадстаўлены асобныя выданні навуковых прац і манаграфічных даследаванняў аўтара, прысвечаных шэрагу вядомых беларускіх вучоных. Пра тэматычную разнастайнасць тэкстаў дакументаў яскрава сведчаць іх назвы. Напрыклад: "У истоков учебной книги" (1964), "Н.М. Никольский: историко-биографический очерк" (1967), "Лаврентий Зизаний Тустановский – педагог, просветитель и гуманист второй половины ХVI – начала ХVII века: автореферат диссертации на соискание ученой степени кандидата исторических наук" (1970), "Лаврентий Зизаний" (1973), "В.Н. Перцев: биографический очерк" (1978), "Откуда есть пошёл букварь " (1983 ), “Балгара-ўсходнеславянскія кніжныя сувязі XVI ст.: даклад на XI Міжнародным з’ездзе славістаў” (1993), "Г.М. Лившиц: историографический очерк" (1994), "Памятники геноцида евреев Беларуси" (2000), "Азбука на ўсе часы" (2003), "Я.Н. Мараш: историографический очерк" (2006), "Холокост в книгах «Память» Республики Беларусь" (2008). На жаль, апошняя кніжка выйшла ужо пасля смерці аўтара.

У раздзеле "Публікацыі прац М.Б. Батвінніка ў часопісах і калектыўных зборніках" прадстаўлены артыкулы, у якіх расказваецца пра найбольш значныя выданні вучэбных кніг для першапачатковага навучання грамаце, пра беларускія старадрукі. Шмат публікацый Марат Барысавіч прысвяціў гістарычным асобам, выдатным асветнікам, такім як І. Фёдараў, П. Мсціславец, Ф. Скарына, М. Сматрыцкі, С. Собаль, В. Бурцаў, С. Полацкі, К. Істомін, Ф. Палікарпаў.

ХХ ст. было адзначана выхадам у свет лемантароў і буквароў на беларускай мове. Іх аўтары - К. Каганец, С. Некрашэвіч, Н. Сіўко, А. Клышка - таксама сталі героямі артыкулаў М.Б. Батвінніка.

Трэба адзначыць, што больш за 120 артыкулаў аўтара ўвайшлі ў “Збор помнікаў гісторыі і культуры Беларусі” (1984–1990) і каля 50-і – у "Энцыклапедыю гісторыі Беларусі" (1993–2004), выдадзеную ў 6-і тамах.

Завяршае выстаўку раздзел "Карпатлівы вучоны-даследчык". У ім змешчаны энцыклапедычныя звесткі пра вучонага, а таксама рэцэнзіі і водгукі на публікацыі М.Б. Батвінніка. Сярод аўтараў публікацый – Э. Іофе, М. Біч, Б. Кантаровіч і інш.

Выстаўка ілюстравана фотаздымкамі М.Б. Батвінніка.

Кантактны тэлефон: 293-27-16.

Навіны

Росчырк Марка Шагала і асабісты подпіс Віктора Гюго – рэдкія асобнікі ў фондах Нацыянальнай бібліятэкі

18 Ліс 2019

А ці ведаеце вы, што ў Нацыянальнай бібліятэцы ёсць выданні з аўтографамі вядомых асоб – Сальвадора Далі, Марка Шагала, Віктора Гюго, Васіля Быкава і многіх іншых? Як знайсці гэтыя пярліны фондаў, раскажам у нашым матэрыяле.

Аўтарскі погляд

Круцейшыя, чым у братоў Грым: выходзіць зборнік беларускіх чарадзейных казак

18 Ліс 2019

На “Вулеі” ідзе краўдфандынгавая кампанія для выпуску незвычайнага зборніка: “Вядзьмар, які рабіўся ваўком” – гэта трыццаць беларускіх казак з класічных збораў этнографаў XIX–XX стагоддзяў Паўла Шэйна, Еўдакіма Раманава, Міхала Федароўскага і Уладзіслава Вярыгі.

Навіны бібліятэк

Пяцітомнік “Перамога” папоўніў фонд “алмаза ведаў”

16 Ліс 2019

У новым будынку Расійскай нацыянальнай бібліятэкі 15 лістапада адбылося пасяджэнне Савета аддзялення Расійскага гістарычнага таварыства ў рамках VII Усерасійскага форуму публічных бібліятэк “Муніцыпальныя бібліятэкі новага пакалення: рэгіянальны погляд”, на якім Рэспубліку Беларусь прадставіў дырэктар Нацыянальнай бібліятэкі Беларусі Раман Сцяпанавіч Матульскі.

Навіны Нацыянальнай бібліятэкі Беларусі

Знаёмыя і малавядомыя старонкі творчасці Агінскага

15 Ліс 2019

Дзяржаўны дзеяч, палітык, дыпламат і кампазітар. Міхал Клеафас Агінскі – імя, якое ведае кожны, а яго паланэз “Развітанне з Радзімай” з’яўляецца найбольш вядомым музычным творам. Аднак не многія ведаюць, што кампазітарам было напісана больш за 70 твораў, сярод якіх оперы, вальсы і мазуркі.

Навіны Нацыянальнай бібліятэкі Беларусі

Нацыянальная бібліятэка Беларусі на адной з галоўных у свеце дыскусійных пляцовак

15 Ліс 2019

Дырэктар Нацыянальнай бібліятэкі Беларусі Раман Матульскі прыняў удзел у рабоце VIII Санкт-Пецярбургскага міжнароднага культурнага форуму, які праходзіць з 14 па 16 лістапада 2019 г. i прысвечаны тэме культурных кодаў ва ўмовах глабалізацыі. Штогод Форум прыцягвае тысячы экспертаў і гасцей з усяго свету.

Навіны Нацыянальнай бібліятэкі Беларусі

111