ГалоўнаяНавіныКніжныя выстаўкі
“У народ і край свой толькі веру”
Замак у падарунак

Пявучыя струны душы

Пявучыя струны душы
Іншыя навіны

З 9 жніўня па 14 кастрычніка ў зале беларускай літаратуры (пам. 205) праходзіць выстаўка “Пявучыя струны душы”, прысвечаная 90-годдзю з дня нараджэння беларускага паэта, празаіка, драматурга Алеся Ставера (1929–1995).

Аляксандр Сяргеевіч Ставер – адзін з тых зямных працаўнікоў і зорак, якія сціпла ззялі самі і шчодра дзяліліся гэтым святлом з іншымі. Адметнасцю твораў пісьменніка з’яўляецца гістарычная тэма, фальклорная вобразнасць, народныя традыцыі, сюжэтнасць. Аўтар услаўляе гераічныя і працоўныя подзвігі народа. Для паэзіі характэрны выразнасць думкі, шчырасць, тонкі лірызм. Факты асабістай біяграфіі, рамантычныя парывы і рэальнае штодзённае жыццё – усё гэта арганічна спалучаецца ў творчасці пісьменніка.

З літаратурнай спадчынай Алеся Ставера наведвальнікаў выстаўкі знаёміць раздзел “Пра пачуцці свае расказаць”. На экспазіцыйных паліцах – раман “Пад канвоем”, кнігі прозы “Да сваіх”, “Лясныя аповесці”, паэтычныя зборнікі “Золак над Бярозай”, “Ластаўкі перад дажджом”, “Лірнік”, “Жнівеньскі вырай”, “Пад вясёлкавай дугой” і іншыя, а таксама творы пісьменніка ў шматлікіх зборніках і перыядычных выданнях.

Паэзіі Алеся Ставера ўласцівы блізкая да фальклору вобразнасць, гутарковая інтанацыя, напеўнасць, меладычнасць. Многія яго вершы былі пакладзены на музыку і сталі вядомымі песнямі (“Жураўлі на на Палессе ляцяць”, “А мне ў шчасце верыцца”, “Беларусачка” і інш.). Нотныя выданні змешчаны ў раздзеле “Голас сэрца”.

Жыццёваму і творчаму шляху Алеся Ставера прысвечаны раздзел “Быць самім сабой”.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 16.

Матэрыял прадастаўлены аддзелам абслугоўвання спецыялізаванымі фондамі.

Навіны

Адкрыйце для сябе мастака Караткевіча на выстаўцы “Княства вобразаў і слоў”

25 Ліс 2020

26 лістапада ў бібліятэцы пачне работу выстаўка “Княства вобразаў і слоў”, прымеркаваная да 90-годдзя з дня нараджэння класіка беларускай літаратуры Уладзіміра Сямёнавіча Караткевіча.

Выставачныя мультыпраекты

Запрашаем далучыцца да анлайн-прэзентацыі даследавання Берасцейскай Бібліі

25 Ліс 2020

25 лістапада адбудзецца прэзентацыя манаграфіі "Асэнсаванне шэдэўра. Берасцейская Біблія", прымеркаваная да 80-годдзя Брэсцкай абласной бібліятэкі.

Навіны Нацыянальнай бібліятэкі Беларусі

Выкладчыкі раяць: што чытаць, каб не забыць сваю англійскую, нямецкую і нават чэшскую мову

24 Ліс 2020

У сучасным свеце без ведання замежных моў не абысціся. Але колькі б намаганняў мы ні прыкладалі вывучаючы мовы, наша памяць з часам бязлітасна пазбаўляецца ад усяго слоўнікавага запасу, варта хоць на месяц перастаць практыкавацца. Дык што ж рабіць? Адказ: чытаць, вядома. Выкладчыкі моўнай школы LinguaLand склалі для вас выдатную падборку кніг, якія не толькі падтрымаюць ваш узровень ведаў, але і захопяць самой гісторыяй. Так што хапайце слоўнікі і свае чытацкія білеты: мы ідзём вучыцца!

Аўтарскі погляд

24 лістапада спаўняецца 80 гадоў Тамары Канстанцінаўне Радзевіч, ветэрану Нацыянальнай бібліятэкі Беларусі, высокакваліфікаванаму спецыялісту ў галіне бібліятэчнай справы

24 Ліс 2020

Тамара Канстанцінаўна нарадзілася ў горадзе Мінску ў сям'і служачага. Калі пачалася Вялікая Айчынная вайна, бацька Тамары пайшоў на фронт, а маці з сям’ёй вымушана была эвакуіравацца на Урал. Як і многія жыхары Беларусі, дзяўчынка перажыла ўсе жахі вайны.

Партрэты: гісторыя бібліятэкі ў асобах

111