З 1 верасня ў музеі кнігі арганізавана выстаўка “Буквіца-ініцыял”, прымеркаваная да Дня ведаў.
На працягу стагоддзяў майстры імкнуліся адмыслова аздобіць вялікія літары кніжных тэкстаў. Карысталіся рознакаляровымі фарбамі з прыродных матэрыялаў, часам нават ненатуральным золатам. Кожная літара з’яўлялася творам мастацтва і ніколі не паўтаралася. Такую адметна ўпрыгожаную вялікую літару ў пачатку тэксту называюць буквіца (ад слав. “буква”) або ініцыял (ад лац. initialis “пачатковы”).
На выстаўцы экспануюцца рукапісы XVI–XІX стст. кірылічнага і лацінскага пісьма, у тым ліку беларускага паходжання, пеўчыя зборнікі старавераў XVII–XIX стст. і старадрукі першай паловы XV ст. (інкунабулы) з фонду Нацыянальнай бібліятэкі Беларусі, якія дэманструюць разнастайныя стылі і спосабы рукапіснага афармлення вялікіх літар.
Экспанаты даюць дакладнае ўяўленне пра гістарычнае развіццё і ўдасканаленне мастацтва афармлення буквіц-ініцыялаў.
Кантактны тэлефон: (8 017) 293 27 22.
 |
 |
 |
 |
 |
 |
 |
 |
 |
 |
 |
 |
