26 верасня ў бібліятэцы прайшоў семінар “Магчымасці выкарыстання электронных інфармацыйных рэсурсаў у інклюзіўнай адукацыі”.
Прэзентаваны праект “Глаголіца” – комплекс электронных рэсурсаў кампаніі “Дырэкт-Медыя”, накіраваны на садзейнічанне працэсу навучання асоб з асаблівымі патрэбамі і абмежаванымі магчымасцямі здароўя (АМЗ).
Удзельнікі семінара абмеркавалі спектр магчымасцей выкарыстання электроннага рэсурсу для людзей з АМЗ, а таксама для педагогаў і бібліятэкараў, якія працуюць з імі. Падчас мерапрыемства былі таксама разгледжаны рэсурсы для інклюзіўнай адукацыі, уключаныя ў склад электронна-бібліятэчнай сістэмы “Універсітэцкая бібліятэка анлайн”. Спікерамі семінара выступілі Таццяна Цялегіна, памочнік кіраўніка вучэбна-метадычнага цэнтра “ЭБС Университетская библиотека онлайн” адукацыйнага партала “Директ-Академия”, і Міхаіл Пажыдаеў, аўтар тэхналогіі агучкі тэкстаў LUWRAIN.
Сустрэча прайшла ў змешаным фармаце: спецыялісты бібліятэк і запрошаныя госці змаглі далучыцца як анлайн, так і вочна.
Віртуальная чытальная зала запрашае ўсе зацікаўленыя арганізацыі нашай краіны да супрацоўніцтва па пытаннях падпіскі на ліцэнзійныя базы даных і навучання працы з імі.
Матэрыял пададзены аддзелам карпаратыўнага ўзаемадзеяння.
