Дата правядзення
Час правядзення
Месца правядзення
4 красавіка ў выставачным комплексе (пам. 104) бібліятэкі адбылося адкрыццё выстаўкі “Ад Нёмана да Ціхага акіяна: гісторыя вандровак і геаграфічных даследаванняў”.
Экспазіцыя прымеркаванай да 70-годдзя Беларускага геаграфічнага таварыства і 90-годдзя факультэта геаграфіі і геаінфарматыкі Беларускага дзяржаўнага ўніверсітэта.
Складаецца з двух асноўных раздзелаў і дае нагляднае ўяўленне пра станаўленне геаграфіі ў нашай краіне і ўнёсак славутых першапраходцаў – выхадцаў з Беларусі, увекавечаных у падручніках і геаграфічных картах свету. Сярод экспанатаў – рэдкія кнігі, карты і эстампы ХIХ ст., а таксама сучасная тэматычная навуковая і навукова-папулярная літаратура, партрэты і кароткія біяграфічныя звесткі пра знакамітых беларускіх падарожнікаў і географаў з фондаў Нацыянальнай бібліятэкі Беларусі, калекцыя карт Беларускага геаграфічнага таварыства, геадэзічнае абсталяванне з калекцыі Віктара Нікандравіча Вексіна.
Першы раздзел – “Гісторыя вандровак і геаграфічных даследаванняў выхадцаў з Беларусі ў асобах” – ахоплівае перыяд з ХІІ па XIX ст. і звязаны з даследаваннямі нашых землякоў у розных краінах свету.
Другі раздзел экспазіцыі “Навуковыя школы і даследаванні ў галіне навук аб Зямлі па напрамках”, прысвечаны афармленню геаграфічнай навукі Беларусі ў першай трэці ХХ ст. і дзейнасці розных школ і інстытуцый у сучасным перыядзе.
У рамках адкрыцця адбудзецца прэзентацыя трох кніг: “Географы Беларуси. Биографический справочник”, “Пружанский край на старинных картах”, “Пружанская кулинария: 76 уникальных рецептов”.
Запрашаем здзейсніць цікавае і пазнавальнае падарожжа разам з Нацыянальнай бібліятэкай і Беларускім геаграфічным таварыствам!
Выстаўка будзе працаваць да 21 красавіка 2024 г.
Дата яе заканчэння можа быць зменена.
Уваход – па чытацкім білеце або білеце сацыякультурнага цэнтра.
Час работы выставы адпавядае рэжыму работы бібліятэкі.
Тэлефон: (8 017) 368 37 37.
З 16 красавіка па 21 мая ў галерэі “Панарама” працуе выстава фотавыстава “Жывыя камяні Антарктыды”, прымеркаваная да 70-годдзя Беларускага геаграфічнага таварыства.
Матэрыял пададзены аддзелам сувязей з грамадскасцю.