Дата правядзення
Час правядзення
Месца правядзення
Кошт наведвання
Нацыянальная бібліятэка Беларусі запрашае дзяцей малодшага і сярэдняга ўзросту ў музей кнігі на інтэрактыўныя творчыя заняткі, падчас якіх можна пазнаёміцца з гісторыяй кнігі, даведацца пра сакрэты яе стварэння і цікавосткі, схаваныя ўнутры.
Мэта заняткаў – пазнаёміць маленькіх чытачоў з айчыннай кніжнай спадчынай, заахвоціць да чытання, зрабіць кнігу лепшым сябрам. Дзяцей чакаюць творчыя заданні і вясёлыя гульні.
Музейныя заняткі разлічаны на дзяцей 6–16 гадоў.
Чароўны мір кнігі чакае вас! Давайце чытаць разам!
Тэматыка заняткаў:
- Нацыянальная бібліятэка Беларусі – дом, дзе жывуць кнігі
- Як да нас прыйшла кніга
- Стварэнне паперы
- Вынаходніцтва стагоддзя – друкарскі станок Іагана Гутэнберга
- Хто такі Францыск Скарына
- Рэдкая кніга – гэта…
- Аздабленне каштоўных кніг
- Знойдзена ў кнігах
- Гербарый
Рэжым працы музея кнігі:
Аўторак, серада, пятніца: 10.30–19.00.
Чацвер, субота, нядзеля: 10.00–18.00.
Панядзелак – выхадны дзень.
У летні перыяд (з 1 чэрвеня па 31 жніўня):
Аўторак, серада, пятніца: 10.30–19.00.
Панядзелак, чацвер, субота: 10.00–18.00.
Нядзеля – выхадны дзень.
У музеі кнігі з 10.00 да 17.00 па папярэднім запісе праводзяцца экскурсіі і музейныя заняткі на платнай аснове.
Запіс па тэлефоне: (8 017) 293 27 22.
Матэрыял пададзены навукова-даследчым аддзелам кнігазнаўства.