Дата правядзення
Час правядзення
Месца правядзення
З 23 студзеня па 21 лютага ў чытальнай зале міжбібліятэчнага і індывідуальнага абанемента (пам. 164) праходзіць выстава “Цудоўны свет вынаходніцтва”, прымеркаваная да Дня дзіцячых вынаходак.
Дзень дзяцей-вынаходнікаў адзначаецца 17 студзеня ў дзень народзінаў знакамітага амерыканскага вучонага, дыпламата і журналіста Бенджаміна Франкліна, які сваю першую вынаходку – ласты для плавання – прыдумаў у 12 гадоў.
Ідэі многіх рэчаў, без якіх мы не ўяўляем наша жыццё, былі вынайдзены юнымі геніямі. Пальчаткі без пальцаў, папяровы пакет з квадратным дном, снегаход, марозіва “Фруктовы лёд”, футравыя навушнікі, калькулятар, брайлеўскі шрыфт, батут – пералік дзіцячых вынаходак бясконцы.
Выстава прапануе выданні аб гісторыі вынаходніцтва і біяграфіі вялікіх вынаходнікаў, энцыклапедыі дзіцячых і дарослых вынаходак, кнігі аб развіцці ў дзяцей цікавасці да навакольнага свету і здольнасцей да адкрыццяў.
Асобны раздзел экспазіцыі распавядае аб стварэнні адпаведных умоў для рэалізацыі патэнцыяла беларускіх дзяцей-вынаходнікаў, чые ідэі і талент спрыяюць інавацыйнаму развіццю краіны.
Час працы выставы адпавядае рэжыму працы чытальнай залы міжбібліятэчнага і індывідуальнага абанемента.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 10.
Матэрыял пададзены аддзелам бібліятэчнага абслугоўвання.