Дата правядзення
Час правядзення
Месца правядзення
17 кастрычніка ў бібліятэцы адбылося ўрачыстае адкрыццё тэматычнай фотавыставы “Жанчыны герояў Браншчыны” ў рамках патрыятычнага праекта “Жонка героя”.
Дадзены праект – гэта фотапартрэты і пасланні жонак і маці мужчын, якія прысвяцілі сваё жыццё служэнню Радзіме і абароне Айчыны. Гэта гісторыі пра тое, як разам з кіцелем блізкага чалавека жанчына “надзявае” на сябе і падзяляе з гэтым чалавекам не толькі лёс, але і абавязкі служэння, хоць і не відавочна. Кіцель нясе ў сабе сакральны сэнс: гэта цяжар і адказнасць, якія кладуцца і на жаночыя плечы, і ў той жа час кіцель – вялікі і цяжкі – сагравае і дае абарону.
Арганізатарам мерапрыемства выступае сацыяльна-культурнае грамадскае аб’яднанне “Русь маладая” сумесна з Камітэтам сем’яў воінаў Айчыны г. Бранска пры падтрымцы Нацыянальнай бібліятэкі Беларусі.
Экспазіцыя будзе прадстаўлена да 23 кастрычніка 2023 г. у галерэі “Мабільная” (3-ці паверх).
Дата заканчэння яе працы можа быць зменена.
Уваход – па чытацкім білеце або білеце сацыякультурнага цэнтра.
Час работы выставы адпавядае рэжыму работы бібліятэкі.
Тэлефон для даведак: (8 017) 368 37 37.
Матэрыял пададзены аддзелам сувязей з грамадскасцю.
