Размова з адвакатам аб завяшчанні або дарэнні

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкай Беларусі і Беларускай рэспубліканскай калегіяй адвакатаў.

Тэма размовы – “Завяшчанне або дарэнне: як лепш перадаць маёмасць”.

Падчас сустрэчы будуць разгледжаны наступныя пытанні, якія тычацца перадачы ўласнікам сваёй рухомай і нерухомай маёмасці:

• Што такое завяшчанне і чым яно адрозніваецца ад дагавора дарэння?
• Што можна завяшчаць?
• Ці заўсёды трэба складаць завяшчанне?
• У якой форме складаецца завяшчанне?
• Хто можа быць спадчыннікам па завяшчанні?
• Хто такія “абавязковыя спадчыннікі”?
• Што такое закрытае завяшчанне?
• Ці можна аспрэчыць завяшчанне?
• Як паступіць, калі завяшчальнік не можа ўласнаручна падпісаць завяшчанне?
• Ці бываюць выпадкі, пры якіх можна адмяніць дарэнне?
• Ці можна скласці дагавор дарэння, які прадугледжвае перадачу маёмасці пасля смерці дарыльшчыка?

Кампетэнтна на гэтыя і іншыя пытанні аб тонкасцях афармлення завяшчання і дагавора дарэння адкажа адвакат Мінскай абласной калегіі адвакатаў Дзіна Хаванская.

Па дадзенай тэме ў зале прававой інфармацыі (пам. 207b) падрыхтавана выстава літаратуры з фондаў Нацыянальнай бібліятэкі Беларусі.

Спіс літаратуры

Для наведвання мерапрыемства неабходна мець чытацкі білет ці білет сацыякультурнага цэнтра бібліятэкі.

Тэлефоны для даведак: (8 017) 293 28 68, 293 27 28.

Матэрыял пададзены аддзелам абслугоўвання афіцыйнымі дакументамі.