Дата правядзення
Час правядзення
Месца правядзення
У галерэі “Мабільная” (3-ці паверх бібліятэкі) экспануецца выстава “Гісторыя электратранспарту. Ад конкі да электробуса”.
Экспазіцыя падрыхтавана Мінскім гарадскім камітэтам прыродных рэсурсаў і аховы навакольнага асяроддзя з мэтай нагадаць, як важна скарачаць шкодныя выкіды ў атмасферу, большая частка якіх паступае ад аўтамабіляў. Гледачам прапануюць зрабіць выбар на карысць альтэрнатыўных спосабаў перамяшчэння. А іх нямала. Гэта і грамадскі электратранспарт, і персанальны экатранспарт.
На выставе можна пазнаёміцца з гісторыяй з’яўлення першага трамвая і тралейбуса, даведацца, калі пабудавалі першую станцыю Мінскага метрапалітэна і якая яго далейшая перспектыва развіцця, як з’явіўся электратранспарт і ў чым яго перавага, хто прыдумаў першы электрамабіль і што такое персанальны электратранспарт.
Бо толькі разам мы зможам зберагчы прыроду вакол нас жывой і квітнеючай, зберагчы яе натуральныя багацці, павысіць узровень грамадскай экалагічнай свядомасці!
Запрашаем наведаць выставу з 2 да 30 лістапада 2022 года.
Дата яе заканчэння можа быць зменена.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 28 33.
Матэрыял пададзены аддзелам галерэйна-выставачнай дзейнасці.
