ГалоўнаяМерапрыемствыПесняры зямлі беларускай
У бібліятэцы адкрылася выстава да Дня Незалежнасці Рэспублікі Беларусь
Запрашаем дзяцей на творчыя заняткі “Смоўжык у доміку”

Песняры зямлі беларускай

Песняры зямлі беларускай
Іншыя Мерапрыемствы
23 чэрвеня – 25 снежня
Дата правядзення
10.00–20.00
Час правядзення
галерэя "Мабільная" (3-ці паверх)
Месца правядзення

23 чэрвеня ў Нацыянальнай бібліятэцы Беларусі адбылося ўрачыстае адкрыццё літаратурна-мастацкай выстаўкі “Песняры зямлі беларускай”, прысвечанай 140-годдзю з дня нараджэння беларускіх пісьменнікаў Янкі Купалы і Якуба Коласа.

Творчая спадчына мастакоў слова прадстаўлена выданнямі, арыгіналамі ілюстрацый да твораў пісьменнікаў, асабістымі рэчамі і дакументамі паэтаў. Для стварэння экспазіцыі задзейнічаны фонды Нацыянальнай бібліятэкі Беларусі, Нацыянальнага архіва Рэспублікі Беларусь, Дзяржаўнага літаратурна-мемарыяльнага музея Якуба Коласа і Дзяржаўнага літаратурнага музея Янкі Купалы.

У экспазіцыі – прыжыццёвыя выданні Купалы і Коласа, найцікавейшыя з якіх – першая ў Беларусі персанальная энцыклапедыя “Слоўнік мовы Янкі Купалы”, “Тлумачальны слоўнік адметнай лексікі ў творах Якуба Коласа”, выданні з аўтографамі і выдатна аформленымі вокладкамі.

Постаці пісьменнікаў прадстаўлены не толькі праз прызму вершаваных бестселераў савецкага часу, але і праз ілюстрацыі да твораў Янкі Купалы і Якуба Коласа вядомых беларускіх мастакоў Георгія Паплаўскага, Барыса Заборава, Васіля Шаранговіча. Асаблівую атмасферу выстаўцы надаюць рукапісы з аўтографамі пісьменнікаў, іх асабістыя рэчы, пасведчанні аб прысуджэнні ўзнагарод і іншыя цікавыя экспанаты.

Унёсак пісьменнікаў у фарміраванне літаратурнай мовы, развіццё мастацкай літаратуры, нацыянальнай культуры – каласальны. У цэнтры ўвагі аўтараў – Радзіма. Кожны сюжэт і вобраз гучыць аб ёй і для яе. Майстры роднай мовы, гонар нацыі, Янка Купала і Якуб Колас, як сапраўдныя песняры-прарокі, песняры зямлі беларускай, здолелі кожны па-свойму распавесці свету пра Беларусь, характар і творчы сусвет беларусаў, надзвычайную сілу і моц беларускага слова.


Выстаўка будзе працаваць да 25 снежня 2022 года.
Дата заканчэння працы экспазіцыі можа быць зменена.

Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 368 37 37.

Матэрыял пададзены аддзелам сувязей з грамадскасцю.

Мерапрыемствы

Беларусь. 1941–1945: Подзвіг. Трагедыя. Памяць

02.07.2022

З 2 ліпеня па 4 верасня ў зале беларускай літаратуры (пам. 205) праходзіць кніжная выстаўка “Беларусь. 1941–1945: Подзвіг. Трагедыя. Памяць”, прымеркаваная да Дня Незалежнасці Рэспублікі Беларусь.

У гармоніі з сабой і светам

01.07.2022

З 1 ліпеня па 26 жніўня ў зале перыядычных выданняў (пам. 106) праходзіць тэматычная выстава “У гармоніі з сабой і светам”.

Пачуццё заўсёднага святла

01.07.2022

Да 80-годдзя Сяргея Фёдаравіча Давідовіча ў зале беларускай літаратуры (пам. 205) з 1 ліпеня па 15 жніўня праходзіць выстаўка “Пачуццё заўсёднага святла”.

Насельніцтва Зямлі: сучаснае і будучае

01.07.2022

З 1 ліпеня па 9 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Насельніцтва Зямлі: сучаснае і будучае”, прысвечаная Сусветнаму дню народанасельніцтва.

У бібліятэцы адкрылася выстава да Дня Незалежнасці Рэспублікі Беларусь

30.06.2022

30 чэрвеня ў кальцавым калідоры 2-га паверха Нацыянальнай бібліятэкі Беларусі адкрылася архіўная фотавыстава “2022 Год гістарычнай памяці”, прымеркаваная да святкавання Дня Незалежнасці Рэспублікі Беларусь.

Патаемнае святло

30.06.2022

30 чэрвеня ў галерэі “Ракурс” (2-гі паверх) пачала працу фотавыстава Васіля Белякова “Патаемнае святло”.



Бібліятэкарам