Дата правядзення
Час правядзення
Месца правядзення
16 сакавіка а 16-й гадзіне ў рамках унікальнай выставы “Жывыя крыніцы” пройдзе майстар-клас майстра народнай творчасці Алы Аўсяннікавай па вырабе цацак з саломы.
Дыпламант розных фестываляў і свят, член Беларускага саюза майстроў народнай творчасці, кіраўнік гуртка саломапляцення пры Замастоцкім цэнтры адпачынку Ала Аўсяннікава запрашае зрабіць свой чароўны сімвал – боскага “залатога” анёла. Гэты вобраз добрага духу суправаджае чалавека на працягу ўсяго жыцця. Такі сімвал – асабісты абярэг ці цудоўны падарунак родным і каханым як пажаданне дабра, здароўя, святла, любові напярэдадні любога свята.
Саламяныя вырабы вядомыя са старажытных часоў. З саломы выраблялі бытавыя рэчы – хлебніцы, каробачкі, шкатулкі, кошыкі, бочкі для захоўвання прадуктаў... Каб упрыгожыць інтэр’ер, плялі саламяныя фіранкі, абажуры, аправы для люстэркаў, упрыгожаннi для навагодняй ёлкі і майстравалі цацкі, кветкі, капелюшы, “павукоў”.
Такія мастацкія творы з прыроднага “беларускага золата” лічацца боскімі сімваламі і ахоўнікамі. Конь заўсёды быў абаронцам для мужчыны; каза – сімвал ураджаю і плоднасці; лялька – абаронца жанчын; птушкі – душы продкаў, якія ахоўваюць тых, хто жыве на зямлі.
Наведванне майстар-класа ўваходзіць у кошт наведвання выстаўкі:
- для дарослых – 6 рублёў;
- для навучэнцаў сярэдніх, сярэднеспецыяльных і вышэйшых устаноў – 3 рублі;
- сямейны квіток (2 дарослых з дзіцём да 16 гадоў) – 11 рублёў;
- сямейны квіток (2 дарослых з 2 дзецьмі да 16 гадоў) – 13 рублёў;
- шматдзетныя сем’і (пры прад'яўленні дакумента) – 13 рублёў.
Бясплатна:
- дзеці да 7 гадоў і выхаванцы дзіцячых дамоў, людзі з абмежаванымі магчымасцямі (пры прад’яўленні дакумента);
- суправаджаючыя груп школьнікаў, выхаванцаў устаноў адукацыі (1 чалавек на 10 дзяцей).
Час работы выстаўкі адпавядае рэжыму работы бібліятэкі.