ГалоўнаяМерапрыемствыШчаслівы дар
Мір, годнасць і роўнасць на здаровай планеце
Семінар аб рэалізацыі палажэнняў Маракешскага дагавора

Шчаслівы дар

Шчаслівы дар
Іншыя мерапрыемствы
13 кастрычніка – 22 лістапада
Дата правядзення
10.00–21.00
Час правядзення
пам. 205
Месца правядзення

З 13 кастрычніка па 22 лістапада ў зале беларускай літаратуры (пам. 205) праходзіць юбілейная выстаўка “Шчаслівы дар”, прымеркаваная да 100-годдзя з дня нараджэння беларускага паэта, заслужанага работніка культуры Беларусі Івана Андрэевіча Муравейкі (1921–2021).

“Я – Іван з Беларусі” – так казаў пра сябе пісьменнік Іван Муравейка. Яго імя добра вядома ў нашай краіне. На мудрых і таленавітых кнігах творцы выхоўвалася не адно пакаленне людзей. У літаратурнай скарбонцы аўтара – шматлікія вершы, апавяданні, нарысы, фельетоны, паэмы і інш.

Іван Муравейка пераважна пісаў для дзяцей. Паэт валодаў дарам – уменнем гаварыць з дзецьмі проста, захапляюча і шчыра на самыя разнастайныя тэмы. Творы пісьменніка напоўнены дабратой і любоўю да дзяцей. Вобразна і дасціпна аўтар раскрывае свет дзіцячых уяўленняў, вучыць патрыятызму, любві да роднага краю, працы. У раздзеле экспазіцыі “Колькі ў небе зорак ясных” прадстаўлены кнігі для дзяцей: “Ручаінкі”, “Вось якія мы”, “Салодкія смяшынкі”, “Званочкі ў блакіце”, “Як завуць казу?” і інш.

Асаблівае месца ў творчасці пісьменніка, удзельніка Вялікай Айчыннай вайны І.А. Муравейкі займае ваенная тэма. Хвалююць сваёй шчырасцю ўспаміны, франтавыя запісы, расказы пра аднапалчан, паэмы, балады і вершы, творы пра баявое братэрства, якія ўвайшлі ў зборнікі “Прынёс з вайны”, “Я – Іван з Беларусі”, “Была вайна”, “Дарога без прыпынку”.

Раздзел выстаўкі “Ад шчырага сэрца” прапануе да ўвагі чытачоў творы І. Муравейкі ў калектыўных зборніках і часопісах.

З матэрыяламі пра жыццёвы і творчы шлях Івана Андрэевіча Муравейкі аматараў творчасці паэта знаёміць раздзел экспазіцыі “Грані таленту”.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 16.

Матэрыял пададзены аддзелам абслугоўвання спецыялізаванымі фондамі.

Мерапрыемствы

30 гадоў Садружнасці Незалежных Дзяржаў: вынікі і перспектывы

02.12.2021

З 2 снежня па 10 студзеня ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “30 гадоў Садружнасці Незалежных Дзяржаў: вынікі і перспектывы”, прысвечаная 30-годдзю стварэння Садружнасці Незалежных Дзяржаў (СНД).

У пошуках радасці

03.12.2021

З 3 снежня па 10 студзеня ў зале дакументаў па мастацтве (пам. 306) праходзіць кніжна-ілюстрацыйная выстава “У пошуках радасці”, прысвечаная 160-годдзю з дня нараджэння рускага жывапісца, прадстаўніка рускага імпрэсіянізму Канстанціна Аляксеевіча Каровіна (1861–1939).

Навагодняе ператварэнне з імідж-стылістам Кацярынай Макар

03.12.2021

З набліжэннем Каляд і Новага года ў многіх з нас узнікаюць пытанні: як лепш сустрэць гэтыя чароўныя зімовыя святы, дзе і з кім іх адзначаць, якія стравы прыгатаваць? Немалаважную ролю адыгрывае і адзенне, у якім мы будзем сустракаць 2022 год.

Канцэрт піяніста Андрэя Кіранава

03.12.2021

У суботу, 11 снежня, малады беларускі піяніст, чытач Нацыянальнай бібліятэкі Андрэй Кіранаў выступіць з сольным канцэртам, прымеркаваным да 210-годдзя з дня нараджэння венгерскага кампазітара Ферэнца Ліста.



Бібліятэкарам