ГалоўнаяМерапрыемствыМір, годнасць і роўнасць на здаровай планеце
Размова з адвакатам аб парадку іпатэчнага крэдытавання пры набыцці (будаўніцтве) жылля
Шчаслівы дар

Мір, годнасць і роўнасць на здаровай планеце

Мір, годнасць і роўнасць на здаровай планеце
Іншыя мерапрыемствы
14 кастрычніка – 30 лістапада
Дата правядзення
10.00–21.00
Час правядзення
пам. 207
Месца правядзення

З 14 кастрычніка па 30 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстава “Мір, годнасць і роўнасць на здаровай планеце”, прысвечаная Дню Арганізацыі Аб’яднаных Нацый.

Дзень Арганізацыі Аб’яднаных Нацый, абвешчаны на 2-й сесіі Генеральнай асамблеі ААН (рэзалюцыя A/RES/168 (II)), святкуецца з 1948 года штогод у дзень яе нараджэння – 24 кастрычніка. Менавіта ў гэты дзень у 1945 годзе ўступіў у сілу Статут ААН, афіцыйна паклаўшы пачатак яе існаванню.

Арганізацыя Аб’яднаных Нацый была створана прадстаўнікамі 51 краіны пасля Другой сусветнай вайны. Перад новым маштабным аб’яднаннем былі пастаўлены мэты – папярэджваць пагрозу ўзнікнення войнаў, садзейнічаць умацаванню міжнароднай бяспекі і працаваць на карысць развіцця міждзяржаўнага супрацоўніцтва. На сённяшні момант у склад ААН уваходзяць 193 дзяржавы свету. Ля вытокаў стварэння арганізацыі Аб’яднаных Нацый стаяла і Беларусь, якая належыць да ліку яе краін-заснавальніц.

ААН стала галоўным сусветным форумам для разгляду пытанняў, якія выходзяць за рамкі дзяржаўных межаў і не могуць быць вырашаны ні адной краінай у адзіночку. З цягам часу да першапачатковых мэт арганізацыі дадаліся новыя не менш важныя праблемы глабальнага маштабу. Хоць вырашэнне канфліктаў і падтрыманне міру па-ранейшаму застаюцца прыярытэтнымі сферамі дзеянняў ААН, яе спецыялізаваныя ўстановы прысвячаюць сваю дзейнасць і іншым задачам, такім як ліквідацыя наступстваў стыхійных бедстваў, паляпшэнне становішча жанчын, мірнае выкарыстанне атамнай энергіі.

Святкаванне гадавіны ААН, якая летась адзначыла сваё 75-годдзе, прыйшлося на час вялікіх узрушэнняў і небяспек. Гэта выклікала ў свеце дыскусію аб заўтрашнім дне арганізацыі і будучыні нашай цывілізацыі ў цэлым. Дзяржавы-члены сумесна прызналі, што нашы праблемы ўзаемазвязаны і іх можна вырашыць толькі актывізацыяй сумесных намаганняў. Каб чалавецтва пераадолела COVID-19, а цяперашняе пакаленне выканала сваё абяцанне перад нашчадкамі – пабудаваць грамадства, у якім кожны чалавек будзе квітнець ва ўмовах міру, годнасці і роўнасці на здаровай планеце, – 2021 год павінен стаць годам змены парадыгмы. Для гэтага неабходна перабудаваць асновы і пацвердзіць базавыя каштоўнасці, на якія мусяць абапірацца калектыўныя дзеянні.

Даклад “Наш агульны парадак дня”, прадстаўлены Генеральнай асамблеі генсекам ААН Антоніу Гутэрышам у верасні 2021 года, назваў 12 напрамкаў сумесных дзеянняў – нікога не забыць, абараніць нашу планету, спрыяць умацаванню міру і прадухіляць канфлікты, выконваць міжнароднае права і забяспечваць справядлівасць, адвесці цэнтральнае месца жанчынам і дзяўчынкам, умацоўваць давер, удасканаліць лічбавае супрацоўніцтва, мадэрнізаваць Арганізацыю Аб’яднаных Нацый, забяспечыць устойлівае фінансаванне, актывізаваць партнёрскую дзейнасць, слухаць моладзь і працаваць з ёй, быць гатовымі.

Выстава адлюстроўвае гісторыю ААН з моманту яе стварэння да нашых дзён – яе дзейнасць па збавенні будучых пакаленняў ад бедстваў вайны, падтрыманні міру і бяспекі, развіцці дружалюбных адносін паміж нацыямі на аснове павагі прынцыпу раўнапраўя і самавызначэння народаў, міжнароднага супрацоўніцтва ў вырашэнні міжнародных праблем эканамічнага, сацыяльнага, культурнага і гуманітарнага характару.

На выставе прадстаўлена больш за 100 дакументаў з фондаў НББ на рускай і англійскай мовах: кнігі, перыядычныя выданні, афіцыйныя матэрыялы ААН, брашуры, буклеты.

Экспазіцыя складаецца з наступных тэматычных раздзелаў:

  • Асноўныя звесткі аб ААН
  • Падтрыманне міжнароднага міру і бяспекі
  • Садзейнічанне ўстойліваму развіццю
  • Падтрымка і абарона праў чалавека
  • Міжнароднае права
  • Аказанне гуманітарнай дапамогі
  • ААН і Рэспубліка Беларусь

Выстава будзе цікавая спецыялістам у галіне міжнароднага права і міжнародных адносін, палітолагам, студэнтам і выкладчыкам, а таксама ўсім, хто цікавіцца дзейнасцю ААН.

Карысныя спасылкі:


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Тэлефон для даведак: (8 017) 293 27 34.

Матэрыял пададзены аддзелам абслугоўвання афіцыйнымі дакументамі.

Мерапрыемствы

30 гадоў Садружнасці Незалежных Дзяржаў: вынікі і перспектывы

02.12.2021

З 2 снежня па 10 студзеня ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “30 гадоў Садружнасці Незалежных Дзяржаў: вынікі і перспектывы”, прысвечаная 30-годдзю стварэння Садружнасці Незалежных Дзяржаў (СНД).

У пошуках радасці

03.12.2021

З 3 снежня па 10 студзеня ў зале дакументаў па мастацтве (пам. 306) праходзіць кніжна-ілюстрацыйная выстава “У пошуках радасці”, прысвечаная 160-годдзю з дня нараджэння рускага жывапісца, прадстаўніка рускага імпрэсіянізму Канстанціна Аляксеевіча Каровіна (1861–1939).

Навагодняе ператварэнне з імідж-стылістам Кацярынай Макар

03.12.2021

З набліжэннем Каляд і Новага года ў многіх з нас узнікаюць пытанні: як лепш сустрэць гэтыя чароўныя зімовыя святы, дзе і з кім іх адзначаць, якія стравы прыгатаваць? Немалаважную ролю адыгрывае і адзенне, у якім мы будзем сустракаць 2022 год.

Канцэрт піяніста Андрэя Кіранава

03.12.2021

У суботу, 11 снежня, малады беларускі піяніст, чытач Нацыянальнай бібліятэкі Андрэй Кіранаў выступіць з сольным канцэртам, прымеркаваным да 210-годдзя з дня нараджэння венгерскага кампазітара Ферэнца Ліста.



Бібліятэкарам