Дата правядзення
Час правядзення
Месца правядзення
17 чэрвеня ў 16.00 у галерэі “Мабільная” (3-ці паверх) адбылося ўрачыстае адкрыццё выставы “Незабыўнае: спектаклі і фільмы пра вайну”.
Экспазіцыя прадставіць фонды Нацыянальнай бібліятэкі Беларусі і Расійскай дзяржаўнай бібліятэкі мастацтваў, прадэманструе гледачу панараму кіна- і тэатральнай творчасці аб Вялікай Айчыннай вайне, нагадае назвы фільмаў і спектакляў, імёны акцёраў і рэжысёраў, гады прэм’ер, сюжэты кінастужак і п’ес, пакажа, як развівалася стаўленне да падзей ваенных гадоў, пераасэнсоўвалася пройдзенае, перажывалася ўбачанае.
Наведвальнікаў чакаюць эксклюзіўныя фатаграфіі і матэрыялы аб легендарных і любімых гледачамі фільмах і спектаклях: “Два байцы”, “Чакай мяне”, “Балада пра салдата” па сцэнарыі камандзіра штаба ВПС В. Яжова; “Ідзі і глядзі” па сцэнарыі партызана А. Адамовіча; “Знак бяды” па аповесці В. Быкава, “Вазьму твой боль” па рамане І. Шамякіна, легендарны спектакль Ю. Любімава “А зоры тут ціхія...” па аповесці франтавіка Б. Васільева, пастаўлены ў Тэатры на Таганцы…
Выстава пазнаёміць са сцэнарыямі да фільмаў, фотадакументамі, артыкуламі з перыядычных выданняў аб дзейнасці Беларусьфільма ў ваенны і пасляваенны перыяды. Энцыклапедыі, навукова-папулярная літаратура, рэдкія фотаматэрыялы з фондаў НББ распавядуць аб дзейнасці беларускіх тэатраў у гады Вялікай Айчыннай вайны і ў пасляваенны час.
Арганізатарамі мерапрыемства выступілі Нацыянальная бібліятэка Беларусі і Расійская дзяржаўная бібліятэка мастацтваў.
На адкрыццё ўваход свабодны, у іншы час – па чытацкім білеце або білеце сацыякультурнага цэнтра.
Выстава будзе працаваць да 5 верасня 2021 г.
Дата заканчэння экспазіцыі можа быць зменена.
Тэлефон для даведак: (8 017) 368 37 37.
Матэрыял пададзены аддзелам сувязей з грамадскасцю.