Дата правядзення
Час правядзення
27–28 мая ў Нацыянальнай бібліятэцы адбудзецца VI Форум бібліятэкараў Беларусі “Гуманітарна-асветніцкая дзейнасць бібліятэк у кантэксце агульначалавечых каштоўнасцей і беларускай дзяржаўнасці”.
Арганізатарамі мерапрыемства выступаюць Міністэрства культуры Рэспублікі Беларусь, Беларуская бібліятэчная асацыяцыя, Нацыянальная бібліятэка Беларусі.
Сёння бібліятэкі адыгрываюць значную ролю ў захаванні і трансляцыі культурнай спадчыны народа, фарміраванні сістэмы каштоўнасцей і светапогляду беларускага грамадства. Асноўнымі тэмамі для абмеркавання на форуме сёлета стануць: нарматыўнае і прававое забеспячэнне бібліятэчнай галіны, карпаратыўнае ўзаемадзеянне бібліятэк Беларусі, інфармацыйныя тэхналогіі ў дзейнасці бібліятэк, бібліятэкі ў сацыякультурным асяроддзі рэгіёнаў і інш.
Да ўдзелу запрашаюцца кіраўнікі і спецыялісты бібліятэк розных сістэм і ведамстваў Рэспублікі Беларусь, прадстаўнікі навуковых і вучэбных устаноў, органаў заканадаўчай і выканаўчай улады, грамадскіх аб’яднанняў і арганізацый.
Матэрыял пададзены аддзелам сувязей з грамадскасцю.
