Дата правядзення
Час правядзення
Месца правядзення
У суботу, 29 мая, упершыню ў Нацыянальнай бібліятэцы выступяць беларускі гурт “Haunted House”, мінская школа ірландскага танца “Celtic Dragon” і вядомы музыка Алесь Чумакоў.
“Haunted House” (“Дом з прывідамі”) – калектыў музыкантаў, якія выконваюць традыцыйную ірландскую музыку ў складзе розных фолк-гуртоў Мінска на працягу больш за 10 гадоў. Удзельнікі гурта арганізоўваюць канцэрты, прысвечаныя гістарычным падзеям і культуры Ірландыі, праводзяць музычныя сэйшаны і вечары ірландскіх танцаў пад жывую музыку.
Танцавальную частку праграмы прадстаўляе мінская школа ірландскага танца “Celtic Dragon” (“Кельцкі дракон”). Школа існуе з 2008 года і з’яўляецца членам Сусветнай асацыяцыі ірландскага танца (WIDA). Вучні школы – удзельнікі і пераможцы шматлікіх міжнародных чэмпіянатаў па ірландскім танцы, якія выступаюць на розных канцэртах і фестывалях.
Слухачы змогуць пазнаёміцца з традыцыйнай музыкай і танцамі Ірландыі. Ірландская традыцыйная музыка (“кельцкая”) – жанр народнай музыкі, якая фарміравалася ў Ірландыі на працягу некалькіх стагоддзяў і працягвае жыць і развівацца і сёння. Гэты жанр ахоплівае як старадаўнюю музыку невядомых аўтараў, якая перадавалася музыкамі з пакалення ў пакаленне ў вуснай традыцыі і дзякуючы гэтаму дайшла да нашых дзён, так і музыку, напісаную вядомымі сучаснымі ірландскімі музыкамі ў традыцыйнай манеры.
У праграме – ірландскія традыцыйныя песні розных жанраў на англійскай і ірландскай мовах, інструментальная музыка і танцавальныя нумары.
Канцэрт адбудзецца 29 мая а 16-й гадзіне ў галерэі “Лабірынт” (3-ці паверх).
Уваход вольны (пры наяўнасці чытацкага білета або пропуску сацыякультурнага цэнтра).
Тэлефон для даведак: (8 017) 293 27 52.
Матэрыял пададзены аддзелам абслугоўвання спецыялізаванымі фондамі.
Чытайце таксама аб тым, як прайшоў канцэрт ірландскай музыкі.