ГалоўнаяМерапрыемствыНатхнёныя Мельпаменай: гісторыя тэатральнага мастацтва Беларусі
Узноўлены шэдэўр
Мастак. Рэстаўратар. Мастацтвазнаўца

Натхнёныя Мельпаменай: гісторыя тэатральнага мастацтва Беларусі

Натхнёныя Мельпаменай: гісторыя тэатральнага мастацтва Беларусі
Іншыя мерапрыемствы
26 сакавіка – 31 студзеня
Дата правядзення
10.00–21.00
Час правядзення
кальцавы калідор (3-ці паверх)
Месца правядзення

З 26 сакавіка па 31 студзеня на кальцавым калідоры 3-га паверха працуе выстаўка “Натхнёныя Мельпаменай: гісторыя тэатральнага мастацтва Беларусі”, прымеркаваная да Міжнароднага дня тэатра.

Беларускі тэатр – з’ява старажытная і ў значнай ступені ўнікальная ў нацыянальнай мастацкай культуры нашага народа. Беларускае сцэнічнае мастацтва зарадзілася ў той час, калі людзі толькі пачалі ўсведамляць сябе ў навакольным асяроддзі, калі ўзніклі народныя вераванні, найперш звязаныя з гадавым кругаваротам сонца.

У сучаснай Беларусі працуе каля 30 тэатраў, з іх 24 – ­дзяржаўныя. Яны штогод выпускаюць шмат прэм’ер – ставіцца як беларуская, так і замежная драматургія. У краіне сістэматычна праводзяцца фестывалі, конкурсы, агляды сцэнічнага мастацтва. Беларускія тэатральныя калектывы ўсё часцей бяруць удзел у міжнародных тэатральных форумах, праводзяць шматлікія замежныя гастролі.

Экспазіцыя, падзеленая на раздзелы “Беларускі тэатр ад вытокаў да канца XVII стагоддзя”, “Беларускі тэатр XVIII стагоддзя”, “Драматургія і пачатак прафесійнага нацыянальнага тэатра”, “Сучасная тэатральная Беларусь”, налічвае больш за 200 энцыклапедычных, навуковых, навукова-папулярных выданняў, прысвечаных гісторыі айчыннага тэатральнага мастацтва, сярод якіх:

  • энцыклапедыя “Театральная Беларусь” – першае ў гісторыі нацыянальнай культуры навукова-даведачнае выданне, прысвечанае тэатральнаму мастацтву;
  • манаграфія “Гісторыя беларускага тэатра” даследчыка і мастацтвазнаўца Уладзіміра Няфёда, у якой аналізуюцца шляхі развіцця беларускага тэатра ад яго зараджэння і першапачатковых народных форм у эпоху феадалізму да нашага часу;
  • манаграфія “Беларускі тэатр” драматурга, тэатральнага дзеяча і публіцыста Францішка Аляхновіча, выдадзеная ў Вільні ў 1924 г.
  • кнігі аб жыцці і творчасці вядомых айчынных акцёраў, рэжысёраў і драматургаў.

Асобныя раздзелы выстаўкі прысвечаны тэатрам, якія ў 2021 годзе адзначаюць юбілей з часу заснавання: Слонімскаму тэатру Агінскага, Мінскаму абласному драматычнаму тэатру і Беларускаму рэспубліканскаму тэатру юнага гледача.

Запрашаем аматараў тэатральнага мастацтва наведаць экспазіцыю.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Тэлефон для даведак: (8 017) 293 29 80.

Матэрыял пададзены аддзелам галерэйна-выставачнай дзейнасці.

Мерапрыемствы

Размова з адвакатам аб праве на абарону ў адміністратыўным судаводстве

07.05.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Апублікавана праграма IX Навукова-практычнай канферэнцыі “Электронная культура”

04.05.2021

IX Навукова-практычная канферэнцыя “Электронная культура” прысвечана тэме “Рэальнасць і віртуальнасць ва ўмовах пандэміі”. Арганізатарамі мерапрыемства выступаюць Міністэрства культуры Рэспублікі Беларусь і Нацыянальная бібліятэка Беларусі.

Без тэрміну даўнасці

03.05.2021

З 3 па 28 мая запрашаем на выставу “Без тэрміну даўнасці” ў чытальнай зале аддзела міжбібліятэчнага абанемента і дастаўкі дакументаў (пам. 164).

Вэбінар “Методыка і тэхналогія каталагізацыі дакументаў у рэгіянальных зводных электронных каталогах”

09.04.2021

15 красавіка з 10.00 да 11.30 Нацыянальная бібліятэка Беларусі праводзіць вэбінар для бібліятэк, падключаных да рэгіянальных зводных электронных каталогаў нашай краіны.

Вялікая Айчынная вайна ў творах мастацкай літаратуры

30.04.2021

5 мая а 16-й гадзіне ў атрыуме 2-га паверха адбудзецца літаратурна-асветніцкае мерапрыемства “Радкі памяці” і адкрыццё кніжнай выстаўкі “Вялікая Айчынная вайна ў творах мастацкай літаратуры”, якія прымеркаваны да знакавага свята – Дня Перамогі.



Бібліятэкарам
111