ГалоўнаяМерапрыемствыМінская мазаіка
Храмы часу, памяці, думкі…
Свята кніг

Мінская мазаіка

Мінская мазаіка
Іншыя мерапрыемствы
9 верасня – 31 снежня
Дата правядзення
10.00–21.00
Час правядзення
кальцавы калідор (2-гі паверх)
Месца правядзення

Нацыянальная бібліятэка Беларусі віншуе жыхароў і гасцей Мінска з Днём горада і запрашае наведаць святочную кніжную экспазіцыю “Мінская мазаіка”.

Сёння Мінск выглядае маладым, хоць з поўным правам можа ганарыцца сваім узростам – горад старэйшы за Маскву, Санкт-Пецярбург, Варшаву і Вільнюс.

Першыя звесткі пра горад Мінск былі выяўлены ў “Аповесці мінулых гадоў" і адносяцца да падзей 1067 года. У 1499 г. згодна з дароўнай граматай Вялікага князя літоўскага Мінску было дадзена самакіраванне паводле магдэбургскага права, а 12 студзеня 1591 г. у горада з’явіўся свой герб – выява Божай Маці паміж двума анёламі і херувімамі на блакітным фоне.

Сённяшні Мінск – сталіца суверэннай Рэспублікі Беларусь, сучасны еўрапейскі горад з развітай інфраструктурай. Мінск уваходзіць у лік 273 найбуйнейшых гарадоў свету з насельніцтвам каля 2 млн чалавек і займае годнае месца сярод іх.

Святочная выстаўка прадстаўляе невядомыя старонкі жыцця Мінска, дае магчымасць не толькі адчуць подых мінулых стагоддзяў, але і рытм сённяшняга часу. У экспазіцыю ўключана больш за 50 тэматычных выданняў. У гэтым шэрагу – маляўнічыя альбомы, навукова-папулярныя і мастацкія выданні, каталогі і турыстычныя буклеты, паштоўкі з краявідамі, гістарычнымі мясцінамі і помнікамі Мінска.

Адкрывае экспазіцыю раздзел “Мінск гістарычны”. Сярод прадстаўленых тут выданняў асаблівую ўвагу прыцягвае кніга М. Асмалоўскага “Мінск”, выдадзеная ў 1952 г. Гэта – першая спроба абагульніць градабудаўнічы вопыт Мінска, паказаць яго гістарычнае мінулае і адметнасці развіцця пачатку 1950-х гадоў. Таксама цікавасць прадстаўляе серыя кніг В. Кірычэнкі пад агульнай назвай “Мінск”, адрасаваная шырокаму колу чытачоў. Аўтар вядзе аповед аб сталіцы 1940–1969 гг. на падставе архіўных дакументаў, перыядычнага друку, багата яго ілюструючы рэдкімі фотаздымкамі.

Цэнтральнае месца ў экспазіцыі займае раздзел “Мінск. Галоўная вуліца”, прысвечаны праспекту Незалежнасці. Адметнасцю гэтага раздзела з’яўляецца грунтоўнае даследаванне пісьменніка і энцыклапедыста Леаніда Маракова гісторыі соцень дамоў галоўнай вуліцы Мінска – праспекта Незалежнасці, вуліцы, што цягам свайго існавання каля дзясятка разоў мяняла назву. Гэта і гісторыя людзей, якія жылі тут, будаваліся, наведвалі крамы і тэатры. Выданне змяшчае ўнікальныя фотаздымкі, планы і архіўныя дакументы.


Запрашаем наведаць выстаўку “Мінская мазаіка” (2-гі паверх, кальцавы калідор) з 9 верасня да 31 снежня 2020 года.
Дата яе заканчэння можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.

Тэлефоны для даведак: (8 017) 293 29 80.

Матэрыял пададзены аддзелам галерэйна-выставачнай дзейнасці.

Мерапрыемствы

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.

Тандэм натхнення

15.01.2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).

Сусветныя экасістэмы: захаванне, ахова, аднаўленне

12.01.2021

З 12 студзеня па 14 лютага ў зале дакументаў міжнародных арганізацый (пам. 207g) адкрыта тэматычная выстава “Сусветныя экасістэмы: захаванне, ахова, аднаўленне”, прысвечаная Дзесяцігоддзю Арганізацыі Аб’яднаных Нацый па аднаўленні экасістэм (2021–2030).

Канстытуцыі Рэспублікі Беларусь: правы, абавязкі, адказнасць

11.01.2021

З 11 студзеня па 28 сакавіка ў зале прававой інфармацыі (пам. 207b) адкрыта тэматычная выстава “Канстытуцыі Рэспублікі Беларусь: правы, абавязкі, адказнасць”, прысвечаная Дню Канстытуцыі Рэспублікі Беларусь (15 сакавіка).



Бібліятэкарам
111