Дата правядзення
Час правядзення
Месца правядзення
12 верасня дзіцячы пакой запрашае дзяцей 5–10 гадоў на святочнае мерапрыемства, прысвечанае Дню бібліятэк “Свята кніг”.
Кнігі як сапраўдныя і надзейныя сябры – заўсёды побач. Яны прыйдуць на дапамогу, параяць, навучаць і раскажуць пра многае цікавае. Яны ўсе такія розныя – займальныя і карысныя, маленькія і вялікія, цікавыя і мудрыя, маляўнічыя і вясёлыя.
Сярод кніжных сяброў юныя ўдзельнікі мерапрыемства паслухаюць гісторыю кнігі, гуляючы, адгадаюць упадабаных герояў, а ў пераблытанай казцы – назвы кніг і аўтараў.
Займальным дадаткам стане стварэнне вырабу “Вучонага ката” з кардона, аксамітнай паперы і дэкаратыўных элементаў.
Загадкавы і непаўторны свет кніг не пакіне абыякавым ні аднаго юнага ўдзельніка.
Час правядзення: 14.30–16.00.
Наведванне дзіцячага пакоя платнае.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.