ГалоўнаяМерапрыемствыХрамы часу, памяці, думкі…
Турызм для міру і развіцця
Мінская мазаіка

Храмы часу, памяці, думкі…

Храмы часу, памяці, думкі…
Іншыя мерапрыемствы
14 верасня – 10 кастрычніка
Дата правядзення
10.00–21.00
Час правядзення
кальцавы калідор (2-гі паверх)
Месца правядзення

Штогод 15 верасня ўсе бібліятэкары Беларусі святкуюць сваё прафесійнае свята – Дзень бібліятэк. Да гэтага дня прымеркавана кніжная выстаўка “Храмы часу, памяці, думкі…”, што размешчана на 2-гім паверсе кальцавога калідора Нацыянальнай бібліятэкі Беларусі.

Бібліятэкі ўзніклі яшчэ ў глыбокай старажытнасці і за час свайго існавання прайшлі эвалюцыю ад простых збораў дакументаў да сацыяльнага інстытуту, які стаўся абавязковай прыкметай мадэрновых грамадстваў і дзяржаў. Бібліятэка – гэта не толькі захавальніца рукапісных і кніжных помнікаў пісьменства, аснова навуковай дзейнасці чалавецтва. Сёння бібліятэка – гэта грамадскія месцы, якія сумяшчаюць у сабе захавальніцу ведаў, культурныя цэнтры і каворкінгі: змест работы і яе маштабы не статычныя, а насупраць, увесь час мяняюцца і трансфармуюцца.

Экспазіцыя выстаўкі “Храмы часу, памяці, думкі…” усебакова паказвае развіццё бібліятэк як устаноў, помнікаў архітэктуры, інстытутаў. Больш за 60 дакументаў з фондаў Нацыянальнай бібліятэкі Беларусі расказваюць пра найбуйнейшыя бібліятэкі Вялікабрытаніі, Францыі, ЗША, Расіі, Чэхіі, Польшчы і іншых краін, пра гісторыію іх з’яўлення, развіцця і сучаснага стану. Многія з выданняў з’яўляюцца высокамастацкімі фотаальбомамі, што дазваляе паглядзець на многія бібліятэкі як на архітэктурныя аб’екты і помнікі сусветнай спадчыны.

Асобая ўвага нададзена беларускай кніжнай спадчыне, у прыватнасці бібліятэцы Радзівілаў у Нясвіжы. На выстаўцы прадстаўлена грунтоўнае выданне Нацыянальнай акадэміі навук Беларусі “Библиотека Радзивиллов Несвижской ординации”, што ўтрымлівае першае поўнае апісанне дакументаў са знакамітага кнігазбору, якія захоўваюцца ў фондзе Цэнтральнай навуковай бібліятэкі НАН Беларусі.


Наведаць выстаўку можна да 10 кастрычніка 2020 года.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.

Тэлефон для даведак: (8 017) 293 29 80.

Матэрыял пададзены аддзелам галерэйна-выставачнай дзейнасці.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Сугучча

22.10.2020

З 22 кастрычніка на 3-м паверсе кальцавога калідора працуе выстаўка “Сугучча”, арганізаваная Нацыянальнай бібліятэкай Беларусі сумесна з Выдавецкім домам “Звязда”.

Рэстаўрацыйная майстэрня

27.10.2020

28 кастрычніка ў бібліятэцы адбудуцца заняткі для дзетак “Рэстаўрацыйная майстэрня” ў рамках “Клуба кніжных прафесараў”.

Бібліятэка – дом, дзе жывуць кнігі

23.10.2020

У Нацыянальнай бібліятэцы Беларусі стартуе новы сезон “Клуба кніжных прафесараў”. Запрашаем дзетак і іх бацькоў запісацца на першы курс музейных заняткаў па вывучэнні кніжнай культуры.

Скарыназнаўства ў Францыі

21.10.2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Агульная будучыня агульнымі сіламі

16.10.2020

З 16 кастрычніка па 11 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і дабрабыту народаў”, прысвечаная 75-годдзю Арганізацыі Аб’яднаных Нацый.



111