У полі зроку эканаміста: па старонках перыядычных выданняў

Пазнаёміцца з газетамі і часопісамі па эканоміцы запрашае зала перыядычных выданняў (пам. 106), дзе з 2 сакавіка па 30 красавіка праходзіць тэматычная выстаўка “У полі зроку эканаміста: па старонках перыядычных выданняў”.

У наш час практыка паказвае, што існуючыя формы падрыхтоўкі прафесіяналаў не могуць у дастатковай ступені ахапіць тое шырокае кола задач, якія патрабуюць вырашэння непасрэдна падчас працы. Развіццё эканомікі залежыць ад падрыхтоўкі дзелавых якасцей спецыялістаў, іх мабільнасці, гатоўнасці пастаянна папаўняць і ўдасканальваць прафесійныя веды і ўменні.

Інфармацыя, якая публікуецца ў часопісах і газетах, у сувязі з яе аператыўнасцю і шматаспектнасцю, з'яўляецца найбольш каштоўнай для розных катэгорый карыстальнікаў. Да яе звяртаюцца навукоўцы і выкладчыкі, кіраўнікі і прадпрымальнікі, іншыя катэгорыі насельніцтва.

У экспазіцыі прадстаўлены “Экономика Беларуси”, “Планово-экономический отдел”, “Экономический бюллетень”, “Финансовый директор”, “Главный экономист”, “Экономика. Финансы. Управление”, “Директор”, “Экономическая газета” і іншыя перыядычныя выданні для прафесійнага чытання спецыялістаў эканамічнай сферы.

Часопісы “Банковская деятельность”, “Банкаўскі веснік”, “Банковское право”, “Вестник Ассоциации белорусских банков”, “Банковское дело” зацікавяць банкаўскіх служачых.

Прафесійную дапамогу бухгалтарам акажуць выданні “Главный бухгалтер”, “Заработная плата”, “Консультант бухгалтера”, “Налоговый вестник”, “Моя бухгалтерия”, “Бухгалтерский учёт и анализ”.

Усяго на выстаўцы прадстаўлена каля 40 перыядычных выданняў.

Спіс літаратуры

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 25 87.

Матэрыял прадастаўлены аддзелам абслугоўвання спецыялізаванымі фондамі.