ГалоўнаяМерапрыемствыУзгадавала зямля беларуская
Запрашаем акунуцца ў свет эстонскай літаратуры
Да 75-годдзя Вялікай Перамогі бібліятэка падрыхтавала ўнікальную выстаўку

Узгадавала зямля беларуская

Узгадавала зямля беларуская
Іншыя мерапрыемствы
7 лютага – 29 сакавіка
Дата правядзення
10.00–21.00
Час правядзення
зала дакументаў па мастацтве (пам. 306)
Месца правядзення

З 7 лютага па 29 сакавіка ў зале дакументаў па мастацтве (пам. 306) праходзіць кніжна-ілюстрацыйная выстаўка “Узгадавала зямля беларуская”, прысвечаная 210-годдзю з дня нараджэння вядомага мастака Івана Фаміча Хруцкага (1810–1885).

Творчасць жывапісца ўвайшла ў гісторыю мастацтва чатырох краін – Беларусі, Расіі, Літвы і Польшчы, але карані майстра, яго жыццё і лёс неад'емна звязаны з Беларуссю. Так, яго дзіцячыя і юнацкія гады прайшлі на славутай Полацкай зямлі, дзе ён вучыўся ў вышэйшым піярскім? вучылішчы, набыў першыя навыкі ў маляванні. Пасля, атрымаўшы мастацкую адукацыю ў Пецярбургу, ужо дасведчаным жывапісцам са званнем акадэміка наведваў радзіму, ствараў партрэты землякоў, а з другой паловы 1850-х гадоў і да канца жыцця ўвогуле жыў і працаваў пераважна ў Беларусі, дзе набыў маёнтак Захарнічы непадалёк ад Полацка. Менавіта тут, на зямлі сваіх продкаў, мастак і знайшоў свой спачын.

Імя жывапісца найперш звязваюць з нацюрмортамі, выявамі яркіх кветак у фаянсавых вазах, багаццем садавіны, прыбранымі застоллямі. І сапраўды, мастак быў адным з лепшых майстроў жанру “кветак і пладоў”, стварыў шмат работ пад уплывам раскошных галандскіх нацюрмортаў. Аднак ён змог прыўнесці ў гэты жанр і нешта сваё, беларускае: маляванне гародніны з уласнай зямлі, прастату і лаканічнасць, адсутнасць празмернай вычварнасці і пышнасці. З другога боку, спадчына І. Хруцкага багата і на іншыя жанры, сярод якіх партрэты, дзе ўвасоблены выразныя вобразы царкоўных дзеячаў, прадстаўнікоў інтэлігенцыі, назіраецца прыхільнасць да традыцый акадэмізму, прасочваюцца рысы сармацкага партрэта. Асобнае месца ў творчасці мастака належыць увасабленню сямейных сцэн, вобразаў дзяцей, партрэтаў у інтэр'еры, дзе, па меркаваннях мастацтвазнаўцаў, адчуваецца ўплыў еўрапейскага стылю бідэрмайер. Увогуле творчасць І. Хруцкага – гэта прыклад плённай работы з дэталямі, дакладнай перадачы фактуры прадметаў, паэтызацыі паўсядзённасці, майстэрства тэхнікі лесіроўкі.

Chrutski_Plady_i_ruza.jpg

На выстаўцы прадстаўлены рэпрадукцыі карцін Івана Хруцкага. Створаць утульнасць знакамітыя нацюрморты мастака: “Плады і свечка”, “Плады і птушачка”, “Нацюрморт. Кветкі і садавіна”, “Бітая дзічына, агародніна і грыбы” і іншыя. Прыцягне ўвагу “Партрэт Іасафата Булгака”, “Партрэт Вікенція Лісоўскага”, “Партрэт хлопчыка ў саламяным капелюшы”, “Партрэт жонкі”, “Партрэт невядомай з кветкамі і садавіной”, аўтапартрэт мастака. Будуць цікавымі і копіі пейзажаў жывапісца, напрыклад, “Да святога месца”. Працягнуць жанравую шматграннасць рэпрадукцыі партрэтаў у інтэр'ерах: “У пакоях сядзібы мастака. Дзеці перад мальбертам”, “У пакоях сядзібы Захарнічы” і інш.

Chrutski.jpg

Дапаўняюць выстаўку артыкулы пра мастака, зборнікі навуковых канферэнцый, прысвечаных жывапісцу, камплект паштовак з выявамі палотнаў І. Хруцкага, якія захоўваюцца ў фондах Нацыянальнага мастацкага музея Беларусі. Зацікавіць наведвальнікаў кніга В. Чаропкі “Іван Хруцкі : выдатны мастак з Полатчыны”, а таксама альбом-каталог, складзены беларускімі мастацтвазнаўцамі І. Паньшынай і А. Рэсінай.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял прадастаўлены аддзелам абслугоўвання спецыялізаванымі фондамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Пяшчотаю прасветленае слова

20.03.2020

З 20 сакавіка па 27 красавіка ў зале беларускай літаратуры (пам. 205) праходзіць выстаўка “Пяшчотаю прасветленае слова”, прысвечаная 100-годдзю з дня нараджэння беларускага паэта Аляксея Васілевіча Пысіна (1920–1981).

Назіранне за сусветным навакольным асяроддзем: надвор’е, клімат, водныя рэсурсы

19.03.2020

З 19 сакавіка па 20 красавіка ў зале дакументаў міжнародных арганізацый (пам. 207g) адкрыта тэматычная выстаўка “Назіранне за сусветным навакольным асяроддзем: надвор’е, клімат, водныя рэсурсы”, прысвечаная Сусветнаму метэаралагічнаму дню і 70-годдзю Сусветнай метэаралагічнай арганізацыі (СМА).

У полі зроку эканаміста: па старонках перыядычных выданняў

02.03.2020

Пазнаёміцца з газетамі і часопісамі па эканоміцы запрашае зала перыядычных выданняў (пам. 106), дзе з 2 сакавіка па 30 красавіка праходзіць тэматычная выстаўка “У полі зроку эканаміста: па старонках перыядычных выданняў”.

Якім быў шлях да Вялікай Перамогі?

17.03.2020

17 сакавіка ў 11.00 у галерэі “Атрыум” (3-ці паверх) пройдзе адкрыццё гісторыка-дакументальнай выставы “Шлях да Перамогі: гістарычныя крыніцы сведчаць”, прымеркаванай да 75-годдзя вызвалення Усходняй Еўропы ад нацызму.

Правобраз еўрапейскай Канстытуцыі

16.03.2020

“Правобраз еўрапейскай Канстытуцыі” – выстава рарытэтаў з Беларусі і Латвіі, прымеркаваная да Дня Канстытуцыі, адкрыецца 16 сакавіка ў музеі кнігі Нацыянальнай бібліятэкі Беларусі.



111