ГалоўнаяМерапрыемствыДа 75-годдзя Вялікай Перамогі бібліятэка падрыхтавала ўнікальную выстаўку
Узгадавала зямля беларуская
“Са слова пачынаецца Радзіма”

Да 75-годдзя Вялікай Перамогі бібліятэка падрыхтавала ўнікальную выстаўку

Да 75-годдзя Вялікай Перамогі бібліятэка падрыхтавала ўнікальную выстаўку
Іншыя мерапрыемствы
7 лютага
Дата правядзення
11.20–19.00
Час правядзення
пр. Пераможцаў, 14
Месца правядзення

Да памятнай даты стартуе інфармацыйна-ілюстрацыйны праект “Лясная песня”. Азнаёміцца з ім можна на ХХVII Мінскай міжнароднай кніжнай выстаўцы-кірмашы (ММКВК).

Экспазіцыя змяшчае ўнікальныя сведчанні жыцця партызан у гады вайны. Дакументы з фондаў Нацыянальнай бібліятэкі Беларусі і Нацыянальнага архіва Рэспублікі Беларусь адлюстроўваюць паўсядзённае жыццё і творчасць партызан падчас і паміж баявымі аперацыямі. Гэта рукапісныя матэрыялы, лістоўкі, агітплакаты, газеты, фатаграфіі, сюжэтныя замалёўкі, урыўкі з апавяданняў, паэм, вершаў і песень.

Праект міжнародны. Усім наведвальнікам ММКВК выпаў шанец убачыць рарытэты да таго, як экспазіцыю адправяць за мяжу. Зрабіць гэта можна толькі 7 лютага. Далей на працягу года перасоўную выстаўку прэзентуюць у Азербайджане, Расіі, Кыргызстане, Узбекістане, Турцыі. Першай краінай, якая прыме экспазіцыю, стане Малдова.

Прэзентацыя праекта пройдзе ў рамках выстаўкі-кірмашу. У працяг мерапрыемства таксама будуць прадстаўлены:

Чакаем вас 7 лютага ў 11.20 на цэнтральнай пляцоўцы Нацыянальнага стэнда Беларусі ў адміністрацыйным комплексе (пр. Пераможцаў, 14).

Тэлефон для даведак: (8 017) 293 28 81.
Е-mail: pr@nlb.by

Матэрыял прадастаўлены аддзелам сувязей з грамадскасцю.

Мерапрыемствы

Тандэм натхнення

15.01.2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).

Сусветныя экасістэмы: захаванне, ахова, аднаўленне

12.01.2021

З 12 студзеня па 14 лютага ў зале дакументаў міжнародных арганізацый (пам. 207g) адкрыта тэматычная выстава “Сусветныя экасістэмы: захаванне, ахова, аднаўленне”, прысвечаная Дзесяцігоддзю Арганізацыі Аб’яднаных Нацый па аднаўленні экасістэм (2021–2030).

Канстытуцыі Рэспублікі Беларусь: правы, абавязкі, адказнасць

11.01.2021

З 11 студзеня па 28 сакавіка ў зале прававой інфармацыі (пам. 207b) адкрыта тэматычная выстава “Канстытуцыі Рэспублікі Беларусь: правы, абавязкі, адказнасць”, прысвечаная Дню Канстытуцыі Рэспублікі Беларусь (15 сакавіка).

Памяці песняра Беларусі

12.01.2021

12 студзеня спаўняецца 80 гадоў з дня нараджэння Уладзіміра Мулявіна – музыканта, кампазітара, заснавальніка ВІА “Песняры”. Да юбілею артыста падрыхтавана выстаўка “Памяці песняра Беларусі”, якая працуе ў зале нотных і аўдыявізуальных дакументаў (пам. 305) да 31 студзеня.

Імкненне быць карысным

06.01.2021

14 студзеня а 17-й гадзіне ў галерэі “Панарама” (22-гі паверх) адбудзецца адкрыццё выстаўкі “Лініі дабра”.



Бібліятэкарам
111