ГалоўнаяМерапрыемствыХутка II Еўрапейскія гульні. Як мы ўвайшлі ў 20-ку мацнейшых – даведаецеся на выстаўцы “Беларусь спартыўная”
Спорт. Складальнікі перамог
Пісьменнік і чалавек шчодрага сэрца

Хутка II Еўрапейскія гульні. Як мы ўвайшлі ў 20-ку мацнейшых – даведаецеся на выстаўцы “Беларусь спартыўная”

Хутка II Еўрапейскія гульні. Як мы ўвайшлі ў 20-ку мацнейшых – даведаецеся на выстаўцы “Беларусь спартыўная”
Іншыя мерапрыемствы
30 красавіка – 31 снежня
Дата правядзення
10.00–21.00
Час правядзення
атрыум 2-га паверха
Месца правядзення

30 красавіка ў бібліятэцы адбудзецца прэзентацыя выставачнага праекта “Беларусь спартыўная”, які ўваходзіць у культурную праграму II Еўрапейскіх гульняў.

Удзел у мерапрыемстве возьмуць прадстаўнікі Міністэрства культуры Рэспублікі Беларусь і Міністэрства спорту і турызму Рэспублікі Беларусь, Беларускага дзяржаўнага ўніверсітэта фізічнай культуры, фонду “Дырэкцыя II Еўрапейскіх гульняў 2019 года” і, вядома ж, спартсмены.

На памяць пра маштабную спартыўную падзею наведвальнікі змогуць зрабіць фатаграфіі з талісманам II Еўрапейскіх гульняў – лісянём Лесікам.

Арганізатарамі выстаўкі выступаюць Нацыянальная бібліятэка Беларусі, Нацыянальны алімпійскі камітэт Рэспублікі Беларусь, Беларускі дзяржаўны ўніверсітэт фізічнай культуры.

Даведачна:

Беларусь пастаянна ўваходзіць у дваццатку мацнейшых спартыўных дзяржаў свету, якія прымаюць удзел у Алімпійскіх гульнях. Выставачны праект пазнаёміць гасцей з сувенірамі са спартыўнай сімволікай усесаюзных і рэспубліканскіх спаборніцтваў, савецкіх спартакіяд, чэмпіянатаў свету і Еўропы – з моманту выхаду беларускіх спартсменаў на сусветную арэну ў складзе савецкай зборнай, а пазней і ў складзе нацыянальнай каманды Беларусі. Наведвальнікі выстаўкі ўбачаць сведчанні гучных перамог айчынных спартсменаў: кубкі, медалі, дыпломы і інш.

На выстаўцы будзе прэзентавана экіпіроўка вядомых прадстаўнікоў беларускага спорту: Аляксандры Герасімені, Віктара Угрумава, Наталлі Цылінскай, Андрэя Краўчанкі, Дзмітрыя Дашчынскага, Аляксандра Раманькова, Уладзіміра Камінскага, Аляксея Грышына.

На рэтраспектыўнай фотавыстаўцы “Дадатковы час” наведвальнікі ўбачаць рэдкія і малавядомыя фотаздымкі беларускіх спартсменаў, кадры фотахронікі, якія распавядаюць пра Алімпійскія гульні 1980 г., матчы футбольнага турніру якіх прайшлі ў Мінску на Нацыянальным алімпійскім стадыёне “Дынама”. Экспазіцыю дапоўняць карціны беларускіх мастакоў з выявамі беларускіх спартсменаў і спартыўныя плакаты з фондаў Нацыянальнай бібліятэкі Беларусі.

Аўтарскія мастацкія здымкі, аб’яднаны тэмай беларускага спорту, можна будзе ўбачыць на персанальнай фотавыстаўцы Віктара Суглобы да 3 верасня.

Для тых, хто глыбока цікавіцца тэмай спорту, падрыхтавана кніжная выстаўка “Яркіх перамог, яркага лета!”. Назва пераклікаецца са слоганам II Еўрапейскіх гульняў “Bright Year, Bright You!”, што ў перакладзе азначае “Яркі год, яркі ты!”. Экспазіцыя прадставіць 15 відаў спорту, якія ўваходзяць у праграму II Еўрапейскіх гульняў, іх асноўныя правілы, гісторыю і развіццё ў Беларусі, інфармацыйнае адлюстраванне кожнага віду спорту ў фондах Нацыянальнай бібліятэкі Беларусі.


Мерапрыемства пачнецца а 15-й гадзіне ў атрыуме 2-га паверха.
Уваход свабодны.

Тэлефоны для даведак: (8 017) 266 37 37, 293 28 81.
Е-mail: pr@nlb.by

Матэрыял прадастаўлены аддзелам сувязей з грамадскасцю.

Чытайце таксама, як прайшла прэзентацыя выставачнага праекта “Беларусь спартыўная”


Мерапрыемствы

Вольны птах беларускіх нябёсаў

19.05.2022

З 19 мая па 29 чэрвеня ў зале беларускай літаратуры (пам. 205) праходзіць выстаўка “Вольны птах беларускіх нябёсаў”, прысвечаная 120-годдзю з дня нараджэння беларускага паэта, крытыка і перакладчыка Язэпа Пушчы (1902–1964).

Майстру кніжнай графікі прысвячаецца

16.05.2022

З 16 мая ў бібліятэцы працуе выстава, прысвечаная 125-годдзю з дня нараджэння беларускага мастака, патрыярха беларускай каляровай лінагравюры, аднаго з заснавальнікаў нацыянальнай кніжнай графікі, вядомага майстра экслібрыса Анатоля Мікалаевіча Тычыны (1897–1986).

Дыялог культур у шматпалярным свеце

18.05.2022

З 18 мая па 29 чэрвеня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Дыялог культур у шматпалярным свеце”, прысвечаная Сусветнаму дню культурнай разнастайнасці ў імя дыялогу і развіцця.

Запрашаем на заняткі “Цікава пачытаць” па кнізе “Эвристические сказки”

18.05.2022

21 мая дзіцячы пакой запрашае дзяцей 6–10 гадоў на заняткі “Цікава пачытаць” па кнізе Андрэя Караля і Кацярыны Вараб’ёвай “Эвристические сказки. Обучение через открытие. Приключения Лисёнка и его друзей”.

Хатні абярэг сваімі рукамі

18.05.2022

Нацыянальная бібліятэка Беларусі працягвае цыкл майстар-класаў з вядомымі майстрамі Беларусі ў межах выставачнага праекта “Жывыя крыніцы”, прымеркаванага да Года гістарычнай памяці.

Лорд англійскага мастацтва

14.05.2022

З 14 мая па 12 чэрвеня ў зале дакументаў па мастацтве (пам. 306) праходзіць кніжна-ілюстрацыйная выстава “Лорд англійскага мастацтва”, прысвечаная 295-годдзю з дня нараджэння Томаса Гейнсбара (1727–1788).



Бібліятэкарам