Дата правядзення
Час правядзення
Месца правядзення
Радзіму Гарэцкаму, вучонаму ў галіне геалогіі, геатэктонікі, акадэміку Нацыянальнай акадэміі навук Беларусі, доктару геолага-мінералагічных навук, прафесару, заслужанаму дзеячу навукі БССР, споўнілася 90 гадоў.
Юбіляр – сын геолага, дэмографа, аднаго з акадэмікаў-заснавальнікаў Беларускай акадэміі навук Гаўрылы Гарэцкага, пляменнік вядомага беларускага пісьменніка і грамадскага дзеяча Максіма Гарэцкага. Аб навуковай дзейнасці і жыццёвым шляху, а таксама аб няпростым лёсе, які спасціг сям’ю беларускай інтэлігенцыі, Радзім Гаўрылавіч раскажа на творчай сустрэчы “Апантаны Бацькаўшчынай”.
Да мерапрыемства падрыхтавана выстаўка біяграфічнай літаратуры і навукова-папулярных выданняў Радзіма Гарэцкага з фондаў “алмаза ведаў”.
Арганізатары – Нацыянальная бібліятэка Беларусі і грамадскае аб’яднанне “Беларускі фонд культуры” (БФК). Творчая сустрэча пройдзе ў рамках праекта БФК “Мой род – мая радзіма”.
Творчая сустрэча адбудзецца 13 снежня а 16-й гадзіне ў галерэі “Лабірынт” (3-ці паверх). Уваход свабодны.
Тэлефоны для даведак: (8 017) 293 29 80, 293 28 81.
Е-mail: pr@nlb.by
Матэрыял прадастаўлены аддзелам сувязей з грамадскасцю.
Чытайце таксама аб тым, як прайшла творчая сустрэча.
