ГалоўнаяМерапрыемствыВечная мелодыя жыцця
Творчая сустрэча “Апантаны Бацькаўшчынай” да 90-годдзя акадэміка Радзіма Гарэцкага
Пясняр Вечнага горада

Вечная мелодыя жыцця

Вечная мелодыя жыцця
Іншыя мерапрыемствы
11 снежня – 10 студзеня
Дата правядзення
10.00–21.00
Час правядзення
зала беларускай літаратуры (пам. 205)
Месца правядзення

З 11 снежня па 10 студзеня ў зале беларускай літаратуры (пам. 205) праходзіць выстаўка “Вечная мелодыя жыцця”, прымеркаваная да 100-годдзя з дня нараджэння беларускага пісьменніка, заслужанага дзеяча культуры Беларусі Кастуся Кірэенкі (1918–1988).

Творчы дыяпазон Кастуся (Канстанціна Ціханавіча) Кірэенкі надзвычай шырокі, але пры ўсім гэтым ён перш за ўсё паэт, паэт самабытнага таленту. Паэзія яго непарыўна звязана з лёсам свайго пакалення, якое прайшло праз выпрабаванні вайной. Тонкая настраёвасць і лірызм у ёй спалучаюцца з узнёслым пачуццём любові да роднай зямлі, са свежасцю і багаццем адценняў перажыванняў. Паэтычная творчасць К. Кірэенкі – прыкметны ўклад у пасляваенную беларускую паэзію.

Распачынае выстаўку раздзел “Сіла праўды маёй”, які знаёміць наведвальнікаў з літаратурнай спадчынай Кастуся Кірэенкі. На экспазіцыйных паліцах – яго першы зборнік вершаў “Ранак ідзе”, кнігі паэзіі “Пасля навальніцы”, “Родны свет”, “Смага”, “Кніга ста песень” і іншыя, а таксама зборнікі аповесцей і апавяданняў “Ручаіны шукаюць ракі”, “Вандроўнае шчасце”, публіцыстыкі “Амерыка здалёку і зблізку”, кніга ўспамінаў і эсэ “Заўсёды з Радзімай”. Праявіў увагу пісьменнік і да дзяцей, аб чым сведчаць зборнікі “Зялёнае рэха”, “Размова з капітанамі”, “Алесева кніжка” і інш.

Распачынае выстаўку раздзел “Сіла праўды маёй”, які знаёміць наведвальнікаў з літаратурнай спадчынай Кастуся Кірэенкі. На экспазіцыйных паліцах – яго першы зборнік вершаў “Ранак ідзе”, кнігі паэзіі “Пасля навальніцы”, “Родны свет”, “Смага”, “Кніга ста песень” і іншыя, а таксама зборнікі аповесцей і апавяданняў “Ручаіны шукаюць ракі”, “Вандроўнае шчасце”, публіцыстыкі “Амерыка здалёку і зблізку”, кніга ўспамінаў і эсэ “Заўсёды з Радзімай”. Праявіў увагу пісьменнік і да дзяцей, аб чым сведчаць зборнікі “Зялёнае рэха”, “Размова з капітанамі”, “Алесева кніжка” і інш.

Перакладчыцкая дзейнасць Кастуся Кірэенкі прадстаўлена ў раздзеле “Талент шчыры і шчодры”. Зацікавяць чытачоў і творы аўтара, перакладзеныя на рускую, украінскую, латышскую, балгарскую, армянскую, англійскую і іншыя мовы свету.

Матэрыялы, якія раскрываюць шматграннасць асобы Канстанціна Ціханавіча Кірэенкі, своеасаблівасць яго таленту, сабраны ў раздзеле “Словы, адшуканыя пачуццём”. Сярод літаратуры пра пісьменніка – кніга А.С. Гурскай “Адказнасць перад часам”, шматлікія артыкулы са зборнікаў і перыядычных выданняў.

Час работы выстаўкі адпавядае рэжыму работы бібліятэкі.
Уваход – па чытацкім білеце ці білеце сацыякультурнага цэнтра.

Тэлефон для даведак: (8 017) 293 27 16.

Матэрыял прадастаўлены аддзелам абслугоўвання спецыялізаванымі фондамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Тайны канцылярыі

22.09.2020

24 верасня а 16-й гадзіне ў музеі кнігі адбудзецца адкрыццё выставы “Тайны канцылярыі”, створанай сумесна з даследчыкам, лаўрэатам прэміі “За духоўнае адраджэнне” Уладзімірам Ліхадзедавым.

Турызм для міру і развіцця

16.09.2020

З 16 верасня па 14 кастрычніка ў аддзеле абслугоўвання афіцыйнымі дакументамі Нацыянальнай бібліятэкі Беларусі (2-гі паверх, пакой 207) адкрыта тэматычная кніжная выстаўка “Турызм для міру і развіцця”, прысвечаная Сусветнаму дню турызму.

Размова з адвакатам аб ільготах і дапамозе маладым і шматдзетным сем’ям

17.09.2020

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Храмы часу, памяці, думкі…

14.09.2020

Штогод 15 верасня ўсе бібліятэкары Беларусі святкуюць сваё прафесійнае свята – Дзень бібліятэк. Да гэтага дня прымеркавана кніжная выстаўка “Храмы часу, памяці, думкі…”, што размешчана на 2-гім паверсе кальцавога калідора Нацыянальнай бібліятэкі Беларусі.

Мінская мазаіка

09.09.2020

Нацыянальная бібліятэка Беларусі віншуе жыхароў і гасцей Мінска з Днём горада і запрашае наведаць святочную кніжную экспазіцыю “Мінская мазаіка”.

Свята кніг

07.09.2020

12 верасня дзіцячы пакой запрашае дзяцей 5–10 гадоў на святочнае мерапрыемства, прысвечанае Дню бібліятэк “Свята кніг”.



111