ГалоўнаяМерапрыемствы“З чаго пачынаецца Радзіма?”: першаму ў свеце Буквару прысвячаецца
Выставачны праект да Года малой радзімы разгорне Нацыянальная бібліятэка
Лепшыя кнігі Беларусі

“З чаго пачынаецца Радзіма?”: першаму ў свеце Буквару прысвячаецца

“З чаго пачынаецца Радзіма?”: першаму ў свеце Буквару прысвячаецца
Іншыя мерапрыемствы

29 сакавіка ў музеі кнігі адкрылася выстаўка “Беларускі буквар: 400 гадоў гісторыі”, прысвечаная юбілею першага ў свеце выдання пад назвай “Буквар” (Еўе, 1618).

“З чаго пачынаецца Радзіма? З малюнка ў тваім буквары…”. Мабыць, пачатковыя радкі вядомай савецкай песні – першае, што ўсплывае ў памяці, калі спрабуеш прыгадаць свой галоўны школьны падручнік, які адкрыў табе дзверы ў свет ведаў. Калі ж і дзе з’явіўся буквар, хто яго складальнік і як змяняўся яго змест з цягам часу? Пра гэта і не толькі – незвычайная выстаўка, што адкрылася ў музеі кнігі.

Экспанаты даволі разнастайныя. Тут – знакамітыя буквары і азбукі XVI–ХХІ стст., буквары з праваслаўных манастыроў і малавядомыя выданні для ўніятаў і старавераў, беларускія падручнікі для навучання чытанню пачатку ХХ ст., савецкія буквары перыяду ліквідацыі непісьменнасці і нават выданні беларускай дыяспары за мяжой. Пабачыць на выстаўцы можна і знакаміты “Буквар” Анатоля Клышкі. Выдадзены ўпершыню ў 1969 г., ён перавыдаваўся 23 разы на беларускай, рускай і польскай мовах. Найноўшае “пакаленне” буквароў прадстаўляе выданне, падрыхтаванае Вольгай Цірынавай.

Для поўнага паглыблення ў “школьныя гады цудоўныя” выстаўка дапоўнена іншымі артэфактамі вучнёўскага жыцця – старымі дзённікамі і сшыткамі, а таксама невядомымі сучасным школьнікам прыладамі для пісьма.

У адкрыцці выстаўкі ўзялі ўдзел намеснік дырэктара Нацыянальнай бібліятэкі Беларусі па навуковай рабоце і выдавецкай дзейнасці Аляксандр Суша, намеснік дырэктара Нацыянальнага інстытута адукацыі Валянціна Гінчук, дэкан факультэта пачатковай адукацыі БДПУ імя Максіма Танка Наталля Ждановіч.

А ці памятаеце вы, з якога малюнка пачынаўся ваш першы буквар? Забыліся? Тады самы час узгадаць! І калі, як не ў Год малой радзімы і год 400-годдзя першага ў свеце і да таго ж беларускага Буквара.

Паспейце наведаць экспазіцыю да 20 красавіка 2018 года.
Дата завяршэння работы выстаўкі можа быць зменена.

Тэлефон для даведак: (8 017) 293 27 22.
Е-mail: muzey@nlb.by

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Адкрыйце для сябе мастака Караткевіча на выстаўцы “Княства вобразаў і слоў”

23.11.2020

26 лістапада ў бібліятэцы пачне работу выстаўка “Княства вобразаў і слоў”, прымеркаваная да 90-гадовага юбілею з дня нараджэння класіка беларускай літаратуры Уладзіміра Сямёнавіча Караткевіча.

З кніг Уладзіміра Караткевіча

23.11.2020

З 24 лістапада ў музеі кнігі Нацыянальнай бібліятэкі Беларусі будзе працаваць выстава “З кніг Уладзіміра Караткевіча”, прымеркаваная да 90-годдзя з дня нараджэння пісьменніка.

Выстава кніг па генеалогіі

17.11.2020

У чытальнай зале рукапісаў, рэдкай кнігі і старадрукаў (пам. 348) прадстаўлена тэматычная выстава па генеалогіі Беларусі. Друкаваныя кнігі і рукапісы дапамогуць хутка з’арыентавацца ў даследаванні свайго радавода па-за архівамі нават не спецыялістам.

ЮНЕСКА: з мінулага ў будучыню

13.11.2020

З 13 лістапада па 13 снежня ў аддзеле абслугоўвання афіцыйнымі дакументамі Нацыянальнай бібліятэкі Беларусі (пам. 207) адкрыта тэматычная кніжная выстаўка “ЮНЕСКА: з мінулага ў будучыню”, прысвечаная 75-годдзю прыняцця Статута Арганізацыі Аб’яднаных Нацый па пытаннях адукацыі, навукі і культуры (ЮНЕСКА).



111