ГалоўнаяМерапрыемствы“Вялікі юбілей Вялікага”: выстаўка да 85-годдзя тэатра оперы і балета
Поўны збор філасофскіх твораў Мікалая Крукоўскага прэзентуюць у Нацыянальнай бібліятэцы
Рэха Чарнобыля

“Вялікі юбілей Вялікага”: выстаўка да 85-годдзя тэатра оперы і балета

“Вялікі юбілей Вялікага”: выстаўка да 85-годдзя тэатра оперы і балета
Іншыя мерапрыемствы
галерэя “Лабірынт” (3-ці паверх)
Месца правядзення

19 красавіка ў бібліятэцы адкрыецца выстаўка “З тых даўніх дзён да сённяшняга часу”, прымеркаваная да 85-гадовага юбілею Нацыянальнага акадэмічнага Вялікага тэатра оперы і балета Рэспублікі Беларусь.

70 афіш яскрава распавядуць пра самыя значныя вехі ў гісторыі беларускага Вялікага з моманту яго нараджэння ў 1933-м і адкрыцця ўласнага будынку на Траецкай гары ў 1939-м.

25 мая 1933 года на сцэне Гарадскога тэатра давалі “Кармэн” Ж. Бізэ, а 10 сакавіка 1939 года тэатр оперы і балета адкрывалі прэм`ерай беларускай оперы Яўгена Цікоцкага “Міхась Падгорны”. Афішу гэтага спектакля, як і афішу першага нацыянальнага балета “Салавей” Міхаіла Крошнера, наведвальнікі змогуць убачыць у экспазіцыі.

Выстаўка разгарне і трагічныя старонкі з аповедам пра Вялікую Айчынную вайну, а таксама адлюструе найнавейшую гісторыю Вялікага тэатра Беларусі – Маладзёжны форум опернага мастацтва краін СНД, Балтыі, Грузіі; Міжнародны конкурс спевакоў, выканаўцаў італьянскай оперы Competizione dell'opera; Мінскі міжнародны Калядны оперны форум і інш.

Наведвальнікі змогуць убачыць афішы часоў Савецкага Саюза, афішы з гарадоў і краін, у якіх Вялікі тэатр Беларусі пабываў на гастролях, унікальныя афішы XIX стагоддзя і музычныя партытуры. Асобная старонка будзе прысвечана тэатральнаму часопісу “Партэр”.

У дзень адкрыцця выстаўкі госці змогуць атрымаць асалоду ад галасоў выдатных салістаў Вялікага тэатра і інструментальнай музыкі ў выкананні калектыву A.M.A.D.I.S. Brass, а таксама пачуць і ўбачыць архіўныя запісы з удзелам зорак мінулага і сучаснасці.

Вернісаж пачнецца а 16-й гадзіне ў галерэі “Лабірынт” (3-ці паверх).

Экспазіцыя будзе прадстаўлена ўвазе гледачоў да 14 чэрвеня 2018 года.
Дата завяршэння работы выстаўкі можа быць зменена.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.

Тэлефоны для даведак: (8 017) 266 37 37, 293 28 23.
Е-mail: pr@nlb.by


Чытайце таксама пра адкрыццё выстаўкі.


Мерапрыемствы

“Арт-Мінск 2021”

16.09.2021

21 верасня а 17-й гадзіне ў галерэі “Атрыум” (3-ці паверх) Нацыянальнай бібліятэкі Беларусі адкрыецца выстаўка “Арт-Мінск 2021”.

Размова з адвакатам аб праве ў сферы медыцыны

15.09.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Храмы часу, памяці, думкі

14.09.2021

Напярэдадні юбілейнага года святкавання стагоддзя Нацыянальнай бібліятэкі Беларусі да прафесійнага свята – Дня бібліятэк Беларусі – прымеркавана выстаўка “Храмы часу, памяці, думкі”.

Умець чытаць, пісаць, лічыць…

07.09.2021

З 7 верасня па 2 кастрычніка ў зале дакументаў міжнародных арганізацый (пам. 207g) адкрыта тэматычная кніжная выстава “Умець чытаць, пісаць, лічыць...”, прысвечаная Міжнароднаму дню пісьменнасці.

Разам за мір дзеля будучыні!

02.09.2021

З 2 верасня па 12 кастрычніка ў аддзеле абслугоўвання афіцыйнымі дакументамі (пам. 207) адкрыта тэматычная кніжная выстава “Разам за мір дзеля будучыні!”, прысвечаная Міжнароднаму дню міру.



Бібліятэкарам