ГалоўнаяМерапрыемствыУвага: “ажыўшыя кнігі” ў бібліятэцы!
Цыкл экскурсій “Славутыя імёны Бацькаўшчыны”
Музей кнігі адчыняе браму кніжных скарбаў

Увага: “ажыўшыя кнігі” ў бібліятэцы!

Увага: “ажыўшыя кнігі” ў бібліятэцы!
Іншыя мерапрыемствы

Быць чараўніком марыць кожны – ад малога да вялікага. І кожны можа ім стаць, узяўшы ў рукі дзіўную 4D-кнігу з дапоўненай рэальнасцю. Цяпер такую цуд-кнігу можна сустрэць у Нацыянальнай бібліятэцы!

Запрашаем дзяцей і іх бацькоў, а таксама бабуль і дзядуль на інтэрактыўную экскурсію “Ажыўшыя кнігі”! Падчас пазнавальна-займальнага падарожжа вы даведаецеся, як уладкованы “алмаз ведаў”, як развівалася і мянялася кніга – ад рукапіснай да сучаснай 4D, зможаце выбраць і замовіць любімыя кнігі, а затым прасачыць за іх дастаўкай са сховішча-крышталя.

Вас чакае сустрэча з міні-кнігай і кнігай-гігантам, але галоўнае – вы ўбачыце, як на старонках “ажываюць” героі 4D-кніг! З дапамогай электронных планшэтаў зможаце ажывіць кнігі з дапоўненай рэальнасцю і пагрузіцца ў свет чараўніцтва. Уключайцеся разам з намі ў гэты дзівосны працэс!

Прыемным завяршэннем сустрэчы стане незабыўны пад’ём на аглядную пляцоўку бібліятэкі, адкуль адкрываецца цудоўны від на сталіцу з вышыні 73 метраў.

Кошт экскурсіі складае 40 бел. руб. (група да 10 чалавек).

Можна прыйсці на інтэрактыўную экскурсію “Ажыўшыя кнігі” аднаму ці дружнай кампаніяй. А для групы да шасці чалавек, у склад якой уваходзяць хаця б адзін дарослы і хаця б двое дзяцей да 16 гадоў, можна атрымаць  сямейны білет са скідкай 35 % (26 бел. руб.).

Мы – за прыемнае і карыснае правядзенне часу сярод родных і блізкіх! Да сустрэчы ў Нацыянальнай бібліятэцы Беларусі!

Запіс на экскурсію:

аўторак – нядзеля з 10.00 да 18.00.

Тэлефоны: (8 017) 293 29 66, 293 28 53.


Мерапрыемствы

Падарожжа ў краіну кошак

25.02.2021

З 25 лютага па 22 сакавіка ў зале дакументаў па мастацтве (пам. 306) праходзіць кніжна-ілюстрацыйная выстава “Падарожжа ў краіну кошак”.

Зямны вандроўнік

24.02.2021

Да 90-годдзя з дня нараджэння беларускага празаіка, паэта, драматурга, публіцыста, перакладчыка Паўла Андрэевіча Місько ў зале беларускай літаратуры (пам. 205) з 24 лютага па 30 сакавіка праходзіць выстаўка “Зямны вандроўнік”.

Родная мова – духоўная спадчына народа

19.02.2021

З 19 лютага па 17 сакавіка ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Родная мова – духоўная спадчына народа”, прысвечаная Міжнароднаму дню роднай мовы.

Музычнай страфы паэтка

17.02.2021

З 17 лютага па 31 сакавіка ў зале нотных і аўдыявізуальных дакументаў (пам. 305) праходзіць выстава “Музычнай страфы паэтка”, прысвечаная 70-годдзю беларускага кампазітара Галіны Канстанцінаўны Гарэлавай.

Сусветны акіян: вывучэнне, асваенне, ахова і абарона

16.02.2021

З 16 лютага па 15 сакавіка ў зале дакументаў міжнародных арганізацый (пам. 207g) адкрыта тэматычная выстава “Сусветны акіян: вывучэнне, асваенне, ахова і абарона”, прысвечаная Дзесяцігоддзю навукі аб акіяне ў інтарэсах устойлівага развіцця (2021–2030).



Бібліятэкарам
111