Вынікі VIII Рэспубліканскага конкурсу “Бібліятэка – цэнтр духоўнай асветы і выхавання”

4 лістапада 2022 г. Распараджэннем па Беларускай праваслаўнай царкве зацверджаны вынікі VII Рэспубліканскага конкурсу “Бібліятэка – цэнтр духоўнай асветы і выхавання”.

Конкурс праводзіцца штогод сярод бібліятэк рэспублікі з мэтай актывізацыі іх асветніцкай дзейнасці, садзейнічае фарміраванню духоўна-маральных якасцей асобы, выхаванню патрыятызму і грамадзянскасці дзяцей і моладзі на аснове праваслаўных традыцый.

На разгляд рэспубліканскага журы, у склад якога ўваходзілі і супрацоўнікі Нацыянальнай бібліятэкі, былі прадстаўлены 29 прац ад публічных бібліятэк Міністэрства культуры Рэспублікі Беларусь, бібліятэк устаноў адукацыі Міністэрства адукацыі Рэспублікі Беларусь і бібліятэк Беларускай праваслаўнай царквы.

Працы прадстаўляліся ў чатырох намінацыях:

• “Духоўна-маральнае выхаванне дзяцей і моладзі”
• “Гісторыя Праваслаўя роднага краю”
• “Сям’я – спадчынніца маральных і духоўных каштоўнасцей”
• “Патрыятычнае выхаванне на праваслаўных традыцыях”

На рэспубліканскім этапе конкурсу вызначаны пераможцы ў кожнай намінацыі сярод гарадскіх і сельскіх бібліятэк. У выніку пасяджэння рэспубліканскім журы былі адзначаны 20 прац.

Цырымонія ўзнагароджання пераможцаў конкурсу “Бібліятэка – цэнтр духоўнай асветы і выхавання” адбудзецца ў рамках Беларускіх Калядных чытанняў, якія пройдуць 25 лістапада 2022 г. у Нацыянальнай бібліятэцы Беларусі.

Журы конкурсу дзякуе ўсім удзельнікам, якія прадставілі свае працы, адзначае іх неабыякавасць, адказнасць і спадзяецца, што і ў далейшым конкурс будзе спрыяць удасканаленню дзейнасці бібліятэк на ніве духоўнай асветы і духоўна-маральнага выхавання.