ГалоўнаяНавіныВыставачныя мультыпраекты
Першы ўрок у Нацыянальнай бібліятэцы
“Ён меў прыроджаную душу паэта…”: ці памятаеце вы герояў твораў школьнай праграмы па беларускай літаратуры?

Больш чым цацка: у бібліятэцы адкрылася выстаўка лялек

Больш чым цацка: у бібліятэцы адкрылася выстаўка лялек
Іншыя Навіны

З 5 верасня ў выставачным комплексе (пам. 104) Нацыянальнай бібліятэкі Беларусі працуе выстаўка “Лялечныя гісторыі”.

Ва ўсім свеце з малых гадоў казкі і лялькі суправаджаюць чалавека, развіваюць творчы патэнцыял, вучаць, выхоўваюць, фармуюць светапогляд. На выстаўцы “Лялечныя гісторыі” дарослыя змогуць акунуцца ў чароўны свет дзяцінства, а малыя – пазнаёміцца з казачнымі героямі ў незвычайным фармаце.

У першай частцы выстаўкі “У гасцях у казкі” наведвальнікі змогуць разгледзець сваіх любімых персанажаў з усіх бакоў дзякуючы дыярамам – аб’ёмным канструкцыям. Чалавечныя і смешныя, адважныя і высакародныя персанажы Самуіла Маршака, Карнея Чукоўскага, Аляксея Талстога, Алана Мілна, Ганса Хрысціяна Андэрсана, Шарля Перо, а таксама героі народных казак выклічуць цёплыя пачуцці, усмешку, натхняць на імкненне да перамог.

Другая частка выстаўкі “Фабрыка лялек” – пра гісторыю іх вырабу. Стагоддзямі лялькі ствараліся ўручную, насілі абрадавы характар або з’яўляліся прадметам мастацтва. Фабрычная вытворчасць зрабіла іх даступнымі для шырокай аўдыторыі. Наведвальнікам пакажуць лялькі масавай вытворчасці ў арыгінальных або адноўленых касцюмах.

Выстаўка дапоўнена экспазіцыяй, якая прадставіць кнігі, паштоўкі, плакаты і эстампы з фондаў Нацыянальнай бібліятэкі Беларусі. Гісторыя лялек багатая: гэтая частка выстаўкі апавядае пра лялькі Старажытнага Егіпта, Грэцыі, пра старадаўнюю і народную цацку нашага краю, цацку савецкага перыяду, тэатральную ляльку. Асобны раздзел кніжнай экспазіцыі прысвечаны калекцыйнай ляльцы, якая высока цэніцца за арыгінальнасць і майстэрства выканання.

Акрамя гэтага госці змогуць палюбавацца работамі таленавітых мастакоў-ілюстратараў: Уладзіміра Канашэвіча – стваральніка дзіўна дэталёвых ілюстрацый да твораў Карнея Чукоўскага, Яўгена Рачова – мастака-анімаліста, які ўмела адлюстраваў характары герояў народных казак, Леаніда Уладзімірскага, які прыдумаў любімы ўсімі вобраз Бураціна ў паласатым каўпачку.

Замацаваць прыемнае ўражанне ад выстаўкі дапаможа інтэрактыўная зона. Тут можна размаляваць любімых персанажаў, паглядзець мультфільм, а таксама зрабіць фота на памяць у касцюмах Мальчыша-Кібальчыша або Багатыра.

Выстаўка будзе доўжыцца да 10 лістапада 2019 г.
Дата яе заканчэння можа быць зменена.

Час работы выстаўкі адпавядае рэжыму работы бібліятэкі.

Кошт наведвання:

7 руб. – для дарослых;
5 руб. – для навучэнцаў школ, ССНУ і ВНУ;
3 руб. – для дзяцей ад 3 да 6 гадоў і дзяцей з мнагадзетных сем'яў, людзей з абмежаванымі магчымасцямі;
16 руб. – сямейны білет (2 дарослых + 1 дзіця да 16 гадоў);
19 руб. – сямейны білет (2 дарослых + 2 дзіцяці да 16 гадоў).

Бясплатна – для дзяцей да 3 гадоў, выхаванцаў дзіцячых дамоў, а таксама асоб, якія суправаджаюць групу вучняў і выхаванцаў устаноў адукацыі (1 чалавек на 10 дзяцей).

Час работы выстаўкі ў святочныя і перадсвяточныя дні просьба ўдакладняць па тэлефонах: (8 017) 266 37 37, 293 29 22.

Е-mail: pr@nlb.by

Матэрыял прадастаўлены аддзелам сувязей з грамадскасцю.

Навіны

15–30 верасня 1944 года. На шляху да Вялікай Перамогі

24 Вер 2024

Працяг новага праекта Нацыянальнай бібліятэкі Беларусі “Газетныя радкі чытаючы сэрцам. Да 80-годдзя Перамогі савецкага народа ў Вялікай Айчыннай вайне” прысвечаны 80-годдзю Перамогі савецкага народа над нямецка-фашысцкімі захопнікамі ў Вялікай Айчыннай вайне. З канца ліпеня 2024-га па май 2025 г. на партале Нацыянальнай бібліятэкі Беларусі публікуюцца матэрыялы з газет Савецкай Беларусі 1944 года, якія адлюстроўваюць хроніку навін і падзей таго часу.

Праект “Газетныя радкі чытаючы сэрцам. Да 80-годдзя Перамогі савецкага народа ў Вялікай Айчыннай вайне”

Новае выданне твораў Кузьмы Чорнага

24 Вер 2024

18 верасня супрацоўнікі Нацыянальнай бібліятэкі Беларусі ўзялі ўдзел у прэзентацыі другога тома Збору твораў Кузьмы Чорнага, якое адбылося ў Інстытуце літаратуразнаўства імя Янкі Купалы Цэнтра даследаванняў беларускай культуры, мовы і літаратуры Нацыянальнай акадэміі навук Беларусі.

Да 100-годдзя літаб'яднання "Маладняк"

Зала дакументаў па мастацтве прапануе: рубрыка “Паштоўкі і плакаты з фондаў Нацыянальнай бібліятэкі Беларусі”

22 Вер 2024

Кожны дзень, праходзячы па калідорах бібліятэкі, мы і нашы чытачы любуемся творамі беларускіх жывапісцаў, скульптараў, майстроў дэкаратыўна-прыкладнога мастацтва.

Зала дакументаў па мастацтве прапануе...

У бібліятэцы абмеркавалі міжнародныя стандарты і выбарчы працэс

20 Вер 2024

19–20 верасня ў Нацыянальнай бібліятэцы Беларусі адбылася Міжнародная навукова-практычная канферэнцыя “Міжнародныя стандарты і выбарчы працэс: вопыт і перспектывы развіцця”.

Навіны Нацыянальнай бібліятэкі Беларусі

“«Песняры»: малітва галасоў і сэрцаў”: бібліятэка стварае новы віртуальны праект

20 Вер 2024

У гэтым годзе адзначаецца 55-годдзе з часу заснавання Беларускага дзяржаўнага ансамбля “Песняры” – легендарнага гурта, любімага мільёнамі слухачоў у розных краінах свету.

Навіны Нацыянальнай бібліятэкі Беларусі

Бібліятэкарам