18 лютага а 19-й гадзіне ў Малой зале імя Р. Шырмы Белдзяржфілармоніі адбудзецца прэм'ера, якую рыхтуе нястомны прапагандыст айчыннай класікі Зінаіда Феакцістава-Каладзяжная.

Слухачы памятаюць яе па шматлікіх монаспектаклях: "Ягадны хутар" (Я. Янішчыц), "Цунамі" (А. Куляшоў), "Прайсці праз вернасць" (М. Танк).

На гэты раз артыстка спрабуе ўзяць яшчэ адну прыступку на высокай лесвіцы Слова. "Я – пякучка-крапіва" – сатырычна-гумарыстычны калейдаскоп па творах народнага пісьменніка Беларусі, акадэміка Кандрата Крапівы.

"Я пачынала сваю творчасць у Беларускай дзяржаўнай філармоніі менавіта з баек К. Крапівы, – успамінае артыстка. – Тады я працавала ў творчай групе маёй таленавітай настаўніцы Г.П. Рыжковай, «каралевы беларускага гумару». Я прайшла ў яе вялікую школу. Інтанацыі яе помню да сённяшняга дня".

У праграме прагучаць вершы, жарты, байкі, частушкі-чыстушкі.

Рэжысёр-пастаноўшчык: вядомы дзеяч культуры і мастацтваў Вітаўтас Грыгалюнас.

Слухачоў чакаюць імправізацыі, сюрпрызы, яны прымуць актыўны ўдзел у гэтым спектаклі.

Тэлефоны: (8 017) 284 44 33 (даведка), 284 32 02 (аддзел рэалізацыі білетаў), 331 16 17 (каса).

Заказ білетаў анлайн: www.philharmonic.by

Крыніца: сайт Беларускай дзяржаўнай філармоніі

Чытайце таксама: