Падведзены вынікі штогадовага конкурсу “Бібліятэка – асяродак нацыянальнай культуры” за 2007 год.
9 чэрвеня 2008 г. Міністэрствам культуры Рэспублікі Беларусь быў падпісаны загад № 180 "Аб выніках XVI рэспубліканскага конкурса “Бібліятэка – асяродак нацыянальнай культуры”.
Конкурс з’яўляецца штогадовым і праводзіцца з мэтай узмацнення ролі публічных бібліятэк у фарміраванні нацыянальнай свядомасці насельніцтва, распаўсюджвання ідэі беларускасці, прапаганды нацыянальнай спадчыны, гісторыі, літаратуры, мовы, народнай культуры.
Конкурс праводзіўся ў наступных намінацыях:
- “За значны ўклад у выхаваўчую работу з падрастаючым пакаленнем”;
- “За навацыі ў галіне бібліятэчнай справы”;
- “За пошукавую і даследчую працу”.
У гэтым годзе прынялі ўдзел 47 публічных бібліятэк: 1 абласная, 12 цэнтральных раённых , 8 дзіцячых , 21 сельская бібліятэка, 3 гарпасялковыя бібліятэкі і 2 гарадскія бібліятэкі-філіяла.